Kompetensia di Arte di Palabra ABC 2021 na Aruba.

 

Kompetensia di Arte di Palabra ABC 2021 na Aruba.

Nos talentonan ta kla i ta bai pa konkistá premio

Kralendijk – Nos hóbennan di Arte di Palabra Boneiru ta kla pa bai kompetí den e kompetensia literario Arte di Palabra na Aruba djárason binidero. Djaweps último e partisipantenan di Boneiru tabata den ‘spotlight’ i a hasi e último preparashonnan promé ku nan biaha pa Aruba. Boneiru lo kompetí den kategoria di poesia eksistente, poesia original, kuenta eksistente i kuenta original ku dies obra. Partisipantenan ta Ramso Coffie, Lygaira Pieters, Jeaniro Dorothea, Maria-Luisa Troncon, Juriella Josephia, Irlenska Martinus, Akeesha Cicilia i Radinka Alberto. Partisipantenan ta bou di guia teatral di Jonathan de Wind. Sekshon di Kultura, Arte i Literatura lo enkabesá e delegashon di Boneiru.

Diputado señora Nina den Heyer, representante di TCB señor Angelo Domacassé i direktor di Direktorado di Komunidat i Kuido señora Silvana Janga-Serfilia a dirigí nan mes na e partisipantenan. A gradisí nan pa nan partisipashon na e kompetensia, motivá nan pa saka lo máksimo di nan talento durante e kompetensia i a animá e partisipantenan pa bria i saka kara di Boneiru manera semper e delegashon di Boneiru a hasi den eksterior.

Djárason 28 di yüli 2021 atardi e kompetensia lo tuma lugá. Por sigui e kompetensia akí via e sistema di ‘live streaming’.

Riba potrèt e delegashon di Bonaire huntu ku Diputado señora Nina den Heyer, representante di TCB señor Angelo Domacassé i direktor di Direktorado Komunidat i Kuido señora Silvana Janga-Serfilia.

Arte di Palabra ta un kompetensia di deklamashon na papiamentu pa hóbennan den enseñansa avansá na Aruba, Boneiru i Kòrsou. Ta trata di un kompetensia anual i tin komo meta pa desaroyá talento literario hóben i literatura hubenil na papiamentu pa medio di deklamashon di poesia i kontamentu di kuenta. Den pasado Boneiru semper a regresá kas ku premio.

 

 

Arte di Palabra-wedstrijd ABC 2021 in Aruba

Onze talenten zijn er klaar voor en gaan om prijzen binnen te halen

Kralendijk – Onze jongeren van ‘Arte di Palabra Bonaire’ zijn klaar om deel te nemen aan de literaire wedstrijd Arte di Palabra (Woordkunst) a.s. woensdag in Aruba. Afgelopen donderdag stonden de deelnemers uit Bonaire voor het voetlicht en ze hebben de laatste voorbereidingen getroffen voor hun reis naar Aruba. Bonaire gaat met tien oeuvres meedoen in de categorieën bestaande poëzie, originele poëzie, bestaande verhalen en originele verhalen. De deelnemers zijn Ramso Coffie, Lygaira Pieters, Jeaniro Dorothea, Maria-Luisa Troncon, Juriella Josephia, Irlenska Martinus, Akeesha Cicilia en Radinka Alberto. De deelnemers staan onder artistieke leiding van Jonathan de Wind. De sectie Cultuur, Kunst en Literatuur staat aan het hoofd van de Bonairiaanse delegatie.

Gedeputeerde Nina den Heyer, de vertegenwoordiger van de Tourism Corporation Bonaire Angelo Domacassé en de directeur van de Directie Samenleving en Zorg Silvana Janga-Serfilia hebben de deelnemers toegesproken. De deelnemers werden bedankt voor hun deelneming aan de wedstrijd, ze werden gemotiveerd om het beste van hun talenten te laten zien tijdens de wedstrijd en aangemoedigd om te schitteren en Bonaire op waardige wijze te vertegenwoordigen zoals de Bonairiaanse delegatie gewend is om te doen in het buitenland.

De wedstrijd vindt plaats op woensdag 28 juli 2021 en kan via live streaming gevolgd worden.

Op de foto de Bonairiaanse delegatie samen met Gedeputeerde Nina den Heyer, de vertegenwoordiger van de Tourism Corporation Bonaire Angelo Domacassé en de directeur van de Directie Samenleving en Zorg Silvana Janga-Serfilia.

Arte di Palabra is een voordrachtwedstrijd in het Papiamentu voor jongeren in het voortgezet onderwijs op Aruba, Bonaire en Curaçao. Het betreft een jaarlijkse terugkeercompetitie en heeft als doel jong literair talent en Papiamentstalige jeugdliteratuur te ontwikkelen door middel van het voordragen van gedichten en het vertellen van verhalen. In het verleden is de delegatie altijd met prijzen teruggekeerd naar Bonaire.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: