Minister van Heydoorn i Minister Manuel di bishita na Haagse Hogeschool

WILLEMSTAD – Gobièrnu ta informá ku tur nos studiantenan a yega Hulanda bon i Minister di Enseñansa, Siensia, Kultura i Deporte sr. Sithree van Heydoorn huntu ku Minister plenipotensiario sr. Carlson Manuel a kuminsá ku tur e bishita nan planeá. E ministernan huntu ku nan delegashon tin un agènda hopi yen i ta tene varios reunión ku stakeholdersnan di enseñansa, kultura i deporte.

Ministernan a bishitá e Haagse Hogeschool kaminda un gran parti di nos studiantennan ta studia. A kombersá ku vários persona inkluso studiantenan mes den e kuadro aki kaminda e maneho di gobièrnu pa ku sosten di studiante ta para sentral. E maneho ta pa garantisá ku e estudio ta kan mas optimal i regreso na pais bèk. Alabes lo sòru pa stichting We Connect yuda studiantenan pa konektá di forma optimal ku tur aktor ku por dunanan sosten.