Komunikado Minister van Heydoorn ta firma akuerdo di koperashon ku ROC Mondriaan
Komunikado Minister van Heydoorn ta firma akuerdo di koperashon ku ROC Mondriaan
DEN HAAG – Minister di Enseñansa, Siensia, Kultura i Deporte sr. Sithree van Heydoorn ta firma akuerdo di koperashon ku Presidente di ROC Mondriaan sr. Hans Schutte. Durante di Minister van Heydoorn su bishita na Hulanda Minister a reuni i firma un akuerdo kaminda ta bai traha huntu den kuadro di interkambio edukashonal i profeshonal pa un mihó kalidat di enseñansa.
E akuerdo aki ta bai kontribuí na un desaroyo sostenibel huntu ku e plan di CTB kaminda e kapital humano ta para sentral i ta e komponente essensial pa desaroyo strategiko turístiko 2022/2026. E sektor di enseñansa ta den preparashon pa traha un programa di interkambio ku kontenido riba diferente nivel ku ta nesesario pa sektor di hospitalidat i turismo. E gran kantidat di konosementu den e kontektsto turisítiko di Hulanda ta bai duna un empuhe na e struktura moderno di e industria hotelero. E enfoke riba e kapital humano ku ta un punto di lansa importante ku ta yuda den e proseso intangibel kaminda e sektor hotelero ta sali benefisiá. Produktonan ku ta di gran balor ta servisio na kliente, identidat produktivo, sosten institutional, i ‘Public Private Partnership’. Esaki ta bai hiba na kambio den forma di pensa pa ku e servisio na kliente den e industria. Na mes momentu e training di e kapital humano ta aktivá e desaroyo ekonómiko ku ta hiba na e stabilidat financiero. Pues e akuerdo aki ta di gran balor pa e sektornan di edukashonal turístiko di nos pais.
Den un forma di interkambio e dos organisahsonnan ta bai siña di otro i asina stimulá e desaroyo di interkambio di konosementu i profeshonalismo pa ku por ehempel e arte kulinario i mas. Esaki no solamente ta sosodé na skolnan pero tambe den e ramo mes di trabou kaminda trahadónan tambe por siña i haña oportunidat nobo.
Minister van Heydoorn ta sumamente satisifecho ku e akuerdo aki, debi ku esaki ta kuadra ku e pensamentu di e gobièrnu aktual kaminda e e desaroyo di e hende ta prioridat i pa medio di e trayekto aki ta krea espasio pa e hóben i adulto.
