Resultado di tèstnan mandá pa RIVM ta indiká presensia di variantenan di COVID na Kòrsou

 

Resultado di tèstnan mandá pa RIVM ta indiká presensia di variantenan di COVID na Kòrsou

Geplaatst op 29 July 2021 dor di Ministerio Salubridat Públiko, Medio Ambiente i Naturalesa

WILLEMSTAD – Komo parti di Gobièrnu su maneho di riesgo i vigilashon pa ku krísis di COVID-19, riba petishon di departamento di Epidemiologia, ADC regularmente ta manda tèstnan pa Hulanda. Esaki ku e ophetivo pa por laga RIVM (Rijksinstituut voor Volksgezondheid en Milieu) hasi e investigashonnan nesesario riba posibel sirkulashon di variantenan di COVID na Kòrsou.

Resultadonan di e investigashonnan akí ta dura algun siman promé nos haña nan bèk. E siman akí e resultadonan di e ‘batchnan’ di 4 i di 3 siman pasá a keda kla i ta indiká ku aktualmente e variante di Dèlta ta dominá. Tres siman pasá 85% di e kasonan identifiká tabata Dèlta. Esaki ta konforme ku loke por a spera, mirando ku na henter Oropa i tambe Merka e variante Dèlta ta sigui plama.

Ademas di esaki a identifiká un kaso di e variante di Bèta, kual ta e variante ántes yamá e variante di Sur Afrika. Ta trata aki di un persona ku aparentemente tabata infektá ku dos variante pareu. Ta sigui investigá si e informashon akí ta kuadra. Mester bisa si ku e variante Bèta no ta sirkulando hopi, ounke e no a disparsé ainda tampoko.

Otro variante ku a detektá via di e tèstnan ta Gamma i Alfa, pero e kasonan akí ta mínimo. Pa medio di monitoreo kontinuo lo keda vigilá tur desaroyo informando komunidat debidamente. Den e kuadro akí, Ministerio di Salubridat Públiko, Medio Ambiente i Naturalesa ta urgi komunidat di Kòrsou pa keda apliká tur medida di prevenshon, dor di entre otro mantené distansia, keda kas si tin síntoma i tuma kontakto ku bo dòkter di kas pa laga hasi tèst, ademas sigui tur regla di higiena. Bakunashon ta protehá kontra malesa severo i hospitalisashon.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: