Polis ta operashonalisá balidashon di e prueba di seguro digital pa vehíkulo.

 

KOMUNIKADO DI PRENSA 272 / 2021
30 yüli 2021
Polis ta operashonalisá balidashon di e prueba di seguro digital pa
vehíkulo.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
For di luna di ougùstùs 2021, despues di un proyekto piloto ku a wòrdu kordiná ku
ayudo di Kuerpo Polisial Kòrsou i Stichting Beheer ICT Rechtshandhaving den
koperashon ku INSight Insurance Platform, agentenan polisial di forma digital por
kontrolá prueba di seguro digital ku entre tantu mayoria kompania di seguro ta
ofresé na nan klientenan. Durante di e periodo di implementashon, polis lo wòrdu
ekipá ku aparato di skèn i un tim speshal di INSight lo sostené e agentenan na
momentu di kontròl.
Entre tantu mayoria shofùr di outo tin akseso na nan karchi di seguro digital via nan
telefòn selular. Polis por hasi kontròl hasiendo uso di e “validation-app” ku ta skèn e
QR code ku tin riba e prueba di seguro.
Asina e proseso di balidashon lo ta efikas i e koperashon entre kompanianan di
seguro i outoridatnan lo ta mas direkto.
E kompania di seguro ta traha e karchi digital i ta fásil pa download esaki riba telefòn
di e asegurado. Asta sin konekshon di internet e karnèt digital ta asesibel.
Aseguradonan ta wòrdu konsehá pa semper tin un vershon di print di e QR code pa
si tin kualke motibu ku e telefòn no ta asesibel na momentu di kontròl, semper polis
por keda verifiká balides di e seguro.

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: