KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNUNOTISIA

Èksamen pa reibeweis

 

Èksamen pa reibeweis

Geplaatst op 24 May 2021 dor di Ministerio Maneho di Gobernashon, Planifikashon i Servisio Públiko

WILLEMSTAD  –  Departamento di Reibeweis (Sta. Rosaweg) di Ministerio di Maneho di Gobernashon, Planifikashon i Servisio Públiko ta informá ku lo bai reanudá èksamennan pa reibeweis.

Tur sita pa èksamen teóriko i práktiko ku tabata planiá te ku 31 mei 2021, a keda kanselá. Entrante 24 mei te ku 4 yüni 2021 lo tin solamente èksamen teóriko. Un petishon ta bai na tur persona pa entregá e dokumentonan korespondiente na su èksamen teóriko ku a keda kanselá, na Departamento di Reibeweis. Esaki por sosodé for di djabièrnè 21 mei 2021. Mester hinka e dokumentonan di èksamennan kanselá den un ènvelòp. Tambe ta importante pa hasi anotashon riba ki dia e kliente lo por pasa e èksamen, ki momento (parti mainta òf atardi) i number di telefòn. Departamento di Reibeweis lo tuma kontakto bèk ku klientenan pa tuma e dokumentonan i traha sita nobo.

  • For di djaluna 24 mei 2021 klientenan lo por kuminsá reservá fecha pa èksamen práktiko ku lo kuminsá bèk djaluna 7 yüni 2021.
  • Den e periodo di 24 mei te ku 4 yüni 2021, lo no aseptá persona na balie pa hasi reservashon pa èksamen teóriko. Tambe e Departamento lo no tuma kliente nobo te ku 11 yüni 2021. Lo aseptá solamente pa tuma e ènvelòpnan ku e dokumentonan ku ta pertenesé na e èksamennan di teoria kanselá.
  • Bewijs van Storting i/of èksamen teóriko ku a vense entre 23 mart i 31 mei 2021 lo keda bálido te ku 31 yüli 2021.
  • Deklarashonnan di dòkter entregá entre 1 febrüari te ku 23 mart 2021 ta keda bálido te ku 31 yüli 2021.

Ministerio di Maneho di Gobernashon, Planifikashon i Servisio Públiko ta keda hasi su máksimo esfuerso pa por sirbi nos komunidat mas mihó posibel. Pa mas informashon por tuma kontakto via number di telefòn 736-2929. Tambe por manda un mail na rijbewijzen.puz@gobiernu.cw.

639114718427035"
639114718427035"