Karta DC na BC relashona ku asuntunan di Reino

 

 Na Kolegio Ehekutivo 

Parke Wilhelmina #1

Kralendijk

Bonaire C.N

 

Apresiabel Kolegio,

 

Manera konosí, na St. Maarten e Fundashon Pro Soualiga a kuminsá un “proseso di de-kolonisá” pa pais St. Maarten. Den e kaso ku a entamá a sali na kla, den e “Vonnis” di 7 di mei 2021 ku Estado Hulandes a atmití ku no tin ningun deklarashon di Nashonnan Uní, indikando ku e islanan di anterior Antia Hulandes, a wòrdu dekolonisá. Nashonnan Uní ta e úniko entidat ku por i tin e outoridat pa deklará esaki den un resolushon.

 

Konsekuentemente, mi ke hasi uso di nos Reglamentu di Òrdu, artíkulo 45,  pa hasi algun pregunta:

• Kiko ta e konsekuensianan ku esaki tin pa Boneiru den nos relashon ku Hulanda?
• Por laga un eksperto riba e tereno hasi un investigashon i pone e resultado riba papel pa Konseho Insular i otronan konserní por haña esaki?
• Kon lihé nos por hasi tal investigashon?

 

Mi ta konta di risibí kontestanan oral, al kaso, den e próksimo reunion públiko di Konseho Insular.

 

Atentamente,

 

___________________________

 

Désirée E. Coffie

Miembro di Konseho Insular Boneiru