Último siman pa hasi petishon pa Kondekorashon Real

Último siman pa hasi petishon pa Kondekorashon Real

Geplaatst op 03 August 2021 dor di Ministerio Asuntunan General i Promé Minister

WILLEMSTAD – Djaluna 16 di ougùstùs awor ta e último dia ku ta posibel pa tur siudadano di Kòrsou nominá un persona ku meresé risibí rekonosementu na nivel di Reino Hulandes. Nominashon ta un forma pa duna honor na personanan ku a òf ta duna aporte eksepshonal na nos komunidat. Algun di e nominadonan lo risibí un Kondekorashon Real serka Gobernador di Kòrsou dia 27 di aprel 2022 (‘lintjesregen’ dia di Rei).

Nos tur konosé hende ku ta duna aporte boluntario na bienestar di nos hóben-, adulto- òf nos grandinan. Òf nos sa di hende ku a kontribuí òf destaká di forma eksepshonal na deporte, enseñansa òf siensia na Kòrsou. Si bo ta atmirá e personanan aki i bo ta haña ku nan meresé keda honrá, buska, yena i entregá e formulario pa hasi bo petishon. Ta di gran importansia pa dos òf mas persona sostené bo petishon ku un karta di motivashon.

Por haña e formulario via www.gobiernu.cw. òf na Lokèt di Pèrmit (Saliña 127, Eurobuilding). Despues ku yena e formulario, deposité den un di e buzon na Lokèt di Pèrmit. Tambe por ‘mail’ e formulario yená na kondekorashonreal.cur@gmail.com. Kòrda hasi esaki promé ku 16 di ougùstùs awor!

‘Scan’ aki pa ‘download’ e formulario i hasi bo petishon

Si bo mester di yudansa pa yena e formulario òf si bo tin pregunta, tuma kontakto ku Curd Evertsz òf un di e otro miembronan di Komishon Kondekorashon Real (Lucy Tielen, Nicole Maduro, Edgar Sintiago i Roland Colastica).
Email: kondekorashonreal.cur@gmail.com
Telefòn: +599 9 510 0299

 

 

Ministerio konserní

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: