“CMC ta eskalá plannan pa motibu di COVID-19”

“CMC ta eskalá plannan pa motibu di COVID-19”

Willemstad, 5 di ougùstùs, 2021 – Pa motibu di un oumento den kantidat di pashènt ku COVID-19, ku chèns pa un mas brote den nos komunidat, hunta di direktiva di Curaçao Medical Center (CMC), huntu ku Outbreak Management team (OMT) a tuma e desishon pa ehekutá plannan di eskalashon. E desishon aki ta pa por sigurá sufisiente rekurso pa kuido di pashènt den hòspital.

E proseso aki ta enserá un redukshon di 25% den kuido elektivo e siman aki ku e chèns pa mas redukshon di 50% otro siman. Kuido elektivo ku tin chèns pa wòrdu kanselá ta enserá operashonnan ku no ta esensial ni agudo i ta rekerí estadia largu (mas ku 3 dia) den hòspital. E departamentu di planifikashon di CMC lo tuma kontakto via telefòn ku tur pashènt ku mester wòrdu kanselá. Pashèntnan ku no risibí un yamada por asumí ku nan operashon ta sigui normal manera planiá. CMC lo hasi su máksimo pa sigui ku mas tantu tratamentu posibel ku no ta rekerí estadia largu den hòspital. Kuido Agudo i esensial ta sigui manera planiá. Tur sita na poliklínika tambe ta sigui normal.

E kompromiso di Hulanda pa kubri gastunan di e tim di Merka di spesialistanan i enfermeronan ku a asistí durante e pandemia ta terminá e luna akí. CMC ta sumamente agradesido pa e asistensia di mas ku un aña di parti di Hulanda. Pa yena e buraku aki, hunta di direktiva ta den kombersashon ku Ministerio di Salu pa por bini ku un solushon pa retené algun di e personal i rekluta mas spesialista i enfermero pa asistí den e esfuerso di eskalashon.

Tur sobrá medida i regla di hòspital ta keda na vigor. Tur hende ku drenta hòspital mester bisti tapa boka, mantené distansia sosial kaminda esaki ta posibel i higiene di man. Pashèntnan por risibí bishita entre 11or di mainta i 1or di mèrdia i entre 5or di atardi i 7or di anochi. Si bo ta eksperensiá síntoma, lo bo no por hasi bishita na hòspital. Si bo ta eksperensiá síntoma i mester kuido hospitalario, tuma kontakto ku bo dòkter di kas ku lo guia bu den e proseso.

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: