Karchi di kuminda di SOAW distribuí pa C-post no tin fondo riba dje ainda pa por usa

 

Karchi di kuminda di SOAW distribuí pa C-post no tin fondo riba dje ainda pa por usa

Geplaatst op 05 August 2021 dor di Ministerio Desaroyo Sosial, Labor i Bienestar

WILLEMSTAD – Entrante di djaweps 5 di ougùstùs, C-post, na nòmber di Ministerio di Desaroyo Sosial, Labor & Bienestar (SOAW), a kuminsá parti e promé sèt di karchinan di kuminda ku ta remplasá e karchi sosial di SOAW. E karchinan nobo no ta kargá ku fondo ainda. SOAW lo informá klientenan riba ki dia lo karga e karchinan ku fondo.

Lo entregá e karchi na e kliente personalmente. No ta permití otro persona risibí e karchi na nòmber di kliente di SOAW.

Tur kliente mester tuma bon nota di e instrukshonnan den e ènvelòp ku e karchi aden. E fecha ku lo tin fondo riba e karchi lo no ta 6 di ougùstùs mas, pero lo komuniká e fecha nobo mas despues. Lo transferí saldo positivo di e karchi sosial anterior pa e karchi nobo.