Pronóstiko di tempu pa Kòrsou i bisindario bálido te djasabra mainta 06:00 o.l., 7 di ougùstùs 2021.

Day:	Djabièrnè	Djasabra	Djadumingu	Djaluna	Djamars
	parsialmente nublá	parsialmente nublá	parsialmente nublá	parsialmente nublá	áwaseru aislá
Rain probability:	0%	0%	0%	0%	20%
High:	33ºC / 91ºF	34ºC / 93ºF	33ºC / 91ºF	33ºC / 91ºF	32ºC / 90ºF
Low:	27ºC / 81ºF	27ºC / 81ºF	27ºC / 81ºF	27ºC / 81ºF	27ºC / 81ºF
Sunrise time:	06:23	06:24	06:24	06:24	06:24
Sunset time:	19:00	18:59	18:59	18:59	18:58
Wave heigth (meters):	1 – 1.5	1 – 1.5	1 – 1.5	0.5 – 1	0.5 – 1

 

Pronóstiko

Pronóstiko di tempu pa Kòrsou i bisindario bálido te djasabra mainta 06:00 o.l., 7 di ougùstùs 2021.
Kompilá: djabièrnè 6 di ougùstùs 2021, 05:00 o.l. (09:00 UTC)

Tempu: Leve te parsialmente nublá i no ta antisipá áwaseru signifikante durante di awe.

Temperatura máksimo lo alkansá 33ºC i temperatura mínimo 27ºC.
Solo ta sali 06:23 i ta baha 19:00 o.l.

Bientu: Generalmente ost i moderá te basta fuerte; forsa 3 te 5 (12 te 39 km/ora, 7 te 21 nudo). De bes en kuando fuerte den ráfaga; forsa 6 (40 te 50 km/ora, 22 te 27 nudo).

Situashon general: Un atmósfera relativamente stabil a bin ta afektá nos wer lokal durante di e último dianan manteniendo nos wer tiki nublá, seku i kalor. Durante di dia awe un ola tropikal lo krusa nos region ku mayoria di su wer aktivo na nort di islanan ABC, pero lo sòru temporalmente pa algu mas di nubia lo krusa nos área. Apesar di esaki, e chèns pa awa kai ta keda chikí den nos área durante di dia awe. Mas aleu, no tabatin muchu aktividat di sistemanan tropikal den region Atlántiko e último simannan, pero ta premirá ku aserkando e di dos mitar di ougùstùs, nos lo mira un kambio den esaki. Tambe aserkando dianan 21 i 22 di ougùstùs próksimo, unda ta e dianan ku solo lo ta posishoná un bes mas règt riba Kòrsou (posishon Zénit), por sinti e grado di kalor subi poulatinamente. Di otro banda bientu lo baha un poko di intensidat durante di dianan benidero.

Kondishon di laman: Generalmente moderá ku altura di olanan entre 0.5 i 1 meter (2 i 4 pia).

Sistemanan signifikante di wer tropikal: Ningun.

Fenómeno spesial: Ningun.

Perspektiva te djadumingu mainta: Leve te parsialmente nublá ku ménos bientu.

Meteorólogo: Correa.