AQUALECTRA TIN PRODUKSHON DI PLANTA DISEL RIBA TERENO DI ISLA BOU DI KONTROL BEK

 

AQUALECTRA TIN PRODUKSHON DI PLANTA DISEL RIBA TERENO DI ISLA BOU DI KONTROL BEK

Willemstad 8 di Ougùstùs 2021-  Aqualectra, despues ku djabièrnè último a hañ’é konfrontá ku un situashon kaminda mester a para e planta di MAN Disel riba tereno di Isla, por informá ku e situashon pa loke ta e kousa ku mester a para e planta a wòrdu detektá.  E problema a wòrdu parsialmente isolá i solushoná.  Téknikonan di Aqualectra for di djabièrnè último a detektá ku ta awa ku tabata lèk for di e sistema di paga kandela a yena den e kèlder bou di e planta. E awa a yena promé den e bakinan ku tin pa kolektá zeta sushi, loke a kousa na promé instante e impreshon ku tabatin un lekage di fuel tambe.  

E kombinashon di e lekage i kabelnan di alto vòltahe ku ta kore den e kèlder bou di e planta tabata rason pa para e produkshon di e planta mesora pa prevení aksidente grandi, investigá e kousa i seguidamente hasi trabounan pa pone e planta bèk den operashon.  Aqualectra turesten ku e trabounan na planta di disel riba tereno di Isla tabata tuma lugá a pone un turbina di gas den operashon pa asina pèrkurá ku tabatin sufisiente kapasidat pa kumpli ku e demanda di Kòrsou.

 

Entretantu a haña e fuente di e problema i tambe a limpia e kèlder i e kabelnan di alto voltahe.  Téknikonan di Aqualectra na e momentu aki ta hasiendo trabounan preparatorio pa por start e planta bèk i pone den operashon.  Manera ta pinta e planta di MAN disel pronto lo ta bèk den funshon di no bini ningun kontra tèmpo di tal forma ku e situashon di produkshon di koriente ta normalisá.  

Aqualectra ke gradisí komunidat pa e komprenshon demonstrá  i lo sigui informá di kualkier desaroyo ku tin.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: