Kòrsou i Hulanda a firma akuerdo di koperashon pa por otorgá ‘EU Digital Covid Certificate’

 

Kòrsou i Hulanda a firma akuerdo di koperashon pa por otorgá ‘EU Digital Covid Certificate’

Geplaatst op 09 August 2021 dor di Ministerio Salubridat Públiko, Medio Ambiente i Naturalesa

WILLEMSTAD – Pronto Kòrsou tambe ta bai introdusí un sistema digital den forma di un aplikashon digital (app), pa prueba si e persona ta bakuná debidamente. Riba djasabra 7 di ougùstùs 2021 último, Minister di Salubridat, Medio Ambiente i Naturalesa dr. Dorothy Pietersz-Janga a firma e ‘Memorandum of Understanding’ (MoU) nesesario. Esaki a tuma lugá den presensia di representantenan di Ministerio di Salubridat di Hulanda i tambe miembronan di e tim lokal ku ta traha riba e ‘Digital Covid Certificate’  (DCC) pa Kòrsou.

Ku e app akí, dentro di poko, e usadó di Kòrsou por mustra su nivel di protekshon kontra COVID-19 konforme reglanan Oropeo. Por usa e sistema na islanan BES i CAS, na Oropa i den futuro probablemente tambe na otro partinan di mundu. Ta traha e aplikashon den fase. Den e siguiente fasenan lo bai bira posibel tambe pa mustra un tèst negativo pa COVID-19 i ademas si e persona a rekuperá di COVID-19.

E kódigo personal di e usadó (QR-code) ta mará na informashon personal di e persona, sin ku esaki ta visibel pa otronan. E ‘Digital Covid Certificate’ (DCC) ta konforme reglanan Oropeo i por keda verifiká pa kada pais den Oropa konektá ku e sistema digital. Ta importante pa menshoná ku e DCC no ta un garantia pa por drenta tur pais den Oropa. Kada pais tin su mes kondishon- i eksigensianan pa por drenta e pais.

Aparte di esaki lo por usa e DCC tambe lokalmente, por ehèmpel na sitionan ku ta rekerí un prueba di protekshon di COVID-19. Pronto Gobièrnu lo duna informashon mas ekstenso di e trayekto akí, kon mester registrá pa e app i kon pa hasi uso di dje.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: