Di tres djadumingu di ougùstùs ‘Dia di Transporte Públiko’

 

Di tres djadumingu di ougùstùs ‘Dia di Transporte Públiko

 

Willemstad – For di 2016, riba e di tres djadumingu di ougùstùs ta pone atenshon na e sektor di Transporte Públiko. Mirando importansia di transporte públiko den nos komunidat, Minister di VVRP Charles Cooper huntu ku Servisio pa Tráfiko i Transporte (UOVV) ta felisitá tur ku ta laborá den e sektor di Transporte Públiko ku e dia aki i ta desea nan forsa i sabiduria.

 

Transporte públiko  tei pa yuda e suidadano yega fásilmente na su destino, manera entre otro skol, trabou i kas. Aki na Kòrsou tin mas ku 400 shofùr di bus chikitu, 200 taksista, i shofùrnan di konvoinan di ABC Busbedrijf ku diariamente ta traha pa transportá  nos hendenan di un punta pa otro. Pa duna un tiki mas atenshon na nos Transporte Públiko, na aña 2016, Gobièrnu di Kòrsou a dekretá e di tres djadumingu di luna di ougùstùs komo un dia dediká na Transporte Públiko. E dia aki ku e aña aki ta riba 15 ougùstùs ta netamente pa para ketu un ratu riba e importansha di transporte públiko den nos komunidat.

 

Nos Transporte Públiko a bin ta pasa den diferente desaroyo ku e meta pa duna e usuario un transporte públiko mas optimal posibel. Ainda no a logra yega e meta, pero Minister Charles Cooper ta konvensí ku un kambio di pensamentu lo dirigí nos na e transporte públiko konfiabel, efisiente i pagabel ku nos tur ta deseá.

 

Transporte Públiko meskos ku tur sektor den nos komunidat á i ta pasando den un periodo difísil. Ku determinashon, perseveransha i den koperashon mutuo lo por surpasá tur reto i logra é transporte públiko pa pais Kòrsou.

 

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: