Ministerio di Enseñansa, Siensia, Kultura i Deporte ta honra kolega ku a baha ku VVU

Ministerio di Enseñansa, Siensia, Kultura i Deporte ta honra kolega ku a baha ku VVU

Geplaatst op 20 August 2021 dor di Ministerio Enseñansa, Siensia, Kultura & Deporte

WILLEMSTAD – Gobièrnu di Kòrsou konforme lei a duna oportunidat pa amtenarnan baha ku penshun (VVU) mas tempran i di forma boluntario. Vários kolega den e ministerio di Enseñansa, Siensia, Kultura i Deporte (ESKD) a  disidí di hasi uzo di e oportunidat aki i a baha ku penshun. P’esei Minister di ESKD sr. Sithree “Cey” van Heydoorn a invitá e koleganan aki  pa yamanan danki i hasi entrega di un sertifikado di apresio e  koleganan aki.

E promé grupo aki, ta baha entrante 1 ougùstùs 2021. Tin mas persona ku tambe ta baha durante di e periodo benidero i ta na su lugá pa duna tur un sertifikado di apresio pa e forma ku nan a ehersé nan funshon dignamente den e ministerio. Riba e sertifikado por tuma nota di un diseño kaminda ta mira tur e kolornan di kada ministerio pa motibu ku e koleganan aki a traha pa un gobièrnu. Vários di nan a traha na e diferente ministerionan i a sirbi nos komunidat pa mas ku 30 aña. Alabes sra. Susan Larmonie-van Heydoorn na nòmber di tim di maneho di ministerio tambe a partisipá na e aktividat i yama e koleganan danki na nòmber di henter e ministerio.

E koleganan ku a opta pa bai ku VVU ta: sr. Edgar Cardoze, sra. Shardina Granville-Trinidad, sr. Francis Chantalou, sra. Louella Getrouw, sr. Richard Cleopa, sra. Imelda Francois i sra. Meridith Bonafacio-Statia. Minister van Heydoorn a yama nan kada un danki na nòmber di Gobièrnu i a deseá nan éksito awor ku nan ta bai sigui gosa di un etapa nobo di nan bida.

**Riba e fotonan athunto por tuma nota di e momentu ku Minister van Heydoorn ta hasi entrega di e sertifikado di apresio, den presensia e direktor di tim di maneho di Ministerio di ESKD sra. S.Larmonie i tambe presensia di Promé Minister Gilmar  Pisas.

Pa mas potrèt por bishitá página di Facebook di Ministerio riba e link aki: Honor na Koleganan ku a baha ku VVU

Ministerio konserní

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: