Gezaghèber Rijna orador na World Conservation Congress Gezaghebber Rijna spreker op World Conservation Congress

Gezaghèber Rijna orador na World Conservation Congress 

Kralendijk – Gezaghèber Edison Rijna a haña invitashon pa hiba palabra na e World Conservation Congress ku e union internashonal pa protekshon di naturalesa IUCN ta tene for di 3 te ku 11 di sèptèmber na e siudat franses Marseille.

Un biaha den kuater aña riba inisiativa di IUCN lidernan polítiko, trahadónan di maneho, sientífikonan, empresarionan i protektornan di naturalesa di henter mundu ta bini huntu pa papia ku otro tokante importansia di medio ambiente natural pa kalidat di bida na mundu. Oradornan na Marseille ta entre otro e presidente di Banko Sentral Oropeo Christine Lagarde i komisario di Union Oropeo Frans Timmermans.

Durante e kongreso Stinapa, den koperashon ku Dutch Caribbean Nature Alliance (DCNA) i e komité hulandes di IUCN, ta organisá un simposio tokante protekshon di naturalesa na Hulanda Karibense. Gezaghèber Rijna a aseptá e invitashon pasobra e kongreso ta ofresé un oportunidat úniko pa presentá e konsepto di Blue Destination riba un podio internashonal i pa hasi kontakto ku partidonan ku por sostené Boneiru ku realisashon di esaki. Pa e motibu akí gezaghèber Rijna lo hasi uso di su presensia na Marseille pa tene kòmbersashonnan eksploratorio ku posibel partnernan di koperashon.

Debí na entre otro kresementu di poblashon i desaroyo ekonómiko, mundialmente naturalesa ta bou di preshon. Pa enfrentá e menasanan a bini ku e asina yamá ‘inisiativa 30×30’ ku e intenshon pa na aña 2030 ofresé por lo ménos 30% di tur ekosistema riba tera i bou di awa protekshon legal kontra mas daño.

Ku Parke Nashonal Washington-Slagbaai i Parke Marino ya kaba Boneiru ta kumpli ampliamente ku e 30% ei, pero pa Kolegio Ehekutivo i e organisashon di naturalesa Stinapa esaki no ta un motibu sinta ketu: nos naturalesa na Boneiru tambe ta sufri bou di kontaminashon i kambio di klima.       

 

 


Gezaghebber Rijna spreker op World Conservation Congress

Kralendijk – Gezaghebber Edison Rijna is uitgenodigd om te spreken bij het World Conservation Congress dat de internationale unie voor natuurbescherming IUCN van 3 tot 11 september in de Franse stad Marseille houdt.

Een keer in de vier jaar komen op initiatief van de IUCN politiek leiders, beleidsmakers, wetenschappers, ondernemers en natuurbeschermers uit de hele wereld bijeen om met elkaar te spreken over het belang van het natuurlijk milieu voor de leefbaarheid op aarde. Sprekers in Marseille zijn o.a. voorzitter van de Europese Centrale Bank Christine Lagarde en EU-commissaris Frans Timmermans.

Tijdens het congres organiseert Stinapa in samenwerking met de Dutch Caribbean Nature Alliance (DCNA) en het Nederlandse IUCN-comité een symposium over de natuurbescherming in Caribisch Nederland. Gezaghebber Rijna heeft de uitnodiging aanvaard omdat het congres een unieke gelegenheid biedt het Blue Destination-concept op een internationaal podium te presenteren en contacten te leggen met partijen die Bonaire bij de realisatie ervan kunnen ondersteunen. Gezaghebber Rijna zal zijn aanwezigheid in Marseille dan ook benutten om verkennende gesprekken te voeren met mogelijke samenwerkingspartners.

Door o.a. de bevolkingsgroei en economische ontwikkeling staat de natuur wereldwijd onder druk. Om de bedreigingen het hoofd te bieden is het zogeheten ’30×30 initiatief’ genomen met de bedoeling in 2030 tenminste 30% van alle ecosystemen op land en onder water wettelijke bescherming te bieden tegen verdere aantasting.

Bonaire voldoet met het Nationaal Park Washington-Slagbaai en het Marinepark reeds in ruime mate aan die 30%, maar dat is voor het Bestuurscollege en natuurorganisatie Stinapa geen reden om achter over te leunen: ook de natuur op Bonaire heeft te lijden van vervuiling en klimaatverandering.

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: