Entrega di buki “Pa semper den mi kurason” na Minister van Heydoorn
Entrega di buki “Pa semper den mi kurason” na Minister van Heydoorn
Geplaatst op 27 August 2021 dor di Ministerio Enseñansa, Siensia, Kultura & Deporte
WILLEMSTAD – E buki na papiamentu titulá “Pa semper den mi kurason” a keda entregá na Minister di Enseñansa, Siensia, Kultura i Deporte sr. Sithree ‘Cey’ van Heydoorn. E buki a keda skibí pa sra. Achanty Damice-Thomasa spesialmente pa siña nos muchanan kon pa dil ku pèrdida di un ser kerí den famia.
Sra. Achanty Damice-Thomasa a skirbi pa muchanan di 7 te ku 12 aña ku ta pasando den e proseso di luto despues ku un ser kerí di nan a fayesé. Mucha no sa kon dil ku e proseso di luto na e manera korekto. Konsekuentemente nan por bira agresivo, pèrdè interes den vários aktividat i nan prestashon na skol ta bai atras. Tin biaha mayornan tambe ta den nan doló i no sa kon yuda nan mes te pa guia nan yunan. Netamente pa e motibu akí e buki a keda skibí.
Meta di e buki ta pa muchanan rekonosé ku no ta nan so ta di luto i asina por aliviá e proseso. Alabes e ta sirbi komo guia pa mayor i mucha den e situashon. A enfatisá tambe pa e buki ta na papiamentu, komo ku e tópiko ta delikado i ta importante pa e ta den e mucha su idioma materno.
Minister van Heydoorn a keda sumamente enkantá ku e buki komo ku e ta un tópiko aktual pa yuda nos muchanan den e tempunan difísil akí.
Minister ta rekomendá pa tur siudadano ku ke aportá, pa sigui ku esaki i a gradisí sra. Achanty Damice-Thomasa pa su gran aporte na nos komunidat.
