Fundashon Lus i Speransa ta sende lus di Pasku na Kas di grandi Habaai  Tin un pesebre masha bunita i e kapèla keda presioso

Fundashon Lus i Speransa ta sende lus di Pasku na Kas di grandi Habaai 

Tin un pesebre masha bunita i e kapèla keda presioso

Willemstad – Tur kos ta kla pa djaluna dia 16 di desèmber ‘Fundashon Lus i Speransa’ i ‘Komishon Kapèl Habaai’ di forma ofisial sende lus di Pasku na kas di Grandi na Habaai. 

Na okashon di sendementu di lus henter pueblo di Kòrsou ta bon biní pa bin selebra ku nos grandinan. 

E evento ta kuminsa mitar di shete ku un Novena di Pasku, despues ta pasa pa sende lus nan na e kueba (gròt) i tambe e edifisio di Habaai i e patio grandi parti paden.

 

E aña aki ‘Fundashon Lus i Speransa’ i ‘Komishon Kapèl Habaai’ a traha riba un programa ekstenso pa nos grandinan i tambe tur ku ke partisipa.

 

E programa ta kuminsa djaluna 16 di desèmber ku Novena di Pasku i sendementu di lus, 

Di djaluna 17 pa 21 di desèmber selebrashon Eukarístiko pa 12.15 merdia. 

Djabièrnè dia 20 di desèmber konsierto pa hende grandi na Kapèl di Habaai (riba invitashon spesial pa nos grandinan). Dia 22 di desèmber ta di kuater djadumingu di Atvent pa 11 or di mainta ku kor Sta. Famia. Pasku dia 25 di desèmber 11 or di mainta selebrashon ku “Grace of God”. Djadumingu 29 di desèmber 11 or di mainta selebrashon ku kor Guadalupana i dia 1e di yanüari 2020 pa 11 or di mainta. 

 

‘Fundashon Lus i Speransa’ i ‘Komishon Kapèl Habaai’ ta gradisi un I tur ku a kopera ku nan durante di 2019 masha danki. Boluntarionan lo sigui traha ku mesun amor i dedikashon pa nos grandinan. Felis dianan di fiesta i prospero aña ku bendishon di Dios.