Pa ku Selebrashon 65 aña Statuut MIEMBRONAN DI PARLAMENTO KU PARTISIPASHON NA INTER EXPO

Pa ku Selebrashon 65 aña Statuut

MIEMBRONAN DI PARLAMENTO KU PARTISIPASHON NA INTER EXPO

 

Den kuadro di 30 aniversario InterExpo i 65 aña di Statuut, miembronan di Parlamento Juniel Carolina i Yaël Plet tambe minister di Salubridat publiko, miedio ambiente i naturalesa, Sra Suzy Camelia Romer a partisipá na un kongreso ku e tema Ekonomia duradero entre islanan i pais Den Reino Hulandes. 

 

Tabata tin diferente invitado komo orador, pa Kòrsou a papia Sra Minister Suzy Camelia Romer riba tema di outonomia. Banda di Kòrsou tabata tin un delegashon di Parlamento di Aruba kaminda Presidente di PArlamento di Aruba Ady Thijsen a trese su diskurso. Di Tweede Kamer a hiba palabra sr Andre Bosman di VVD.

 

Tambe tabata tin diferente persona den representashon di diferente instansia den Reino ku a hiba palabra.

Temanan ku a bini dilanti ta: Evaluashon di Statuut, Ombudsman, Maneho di Asilo, Maneho energetiko, Kombatimentu di korupshon i Integridat.

 

Despues di diskursonan tabata tin 2 panel di diskushon kaminda Politikonan di Kòrsou, Hulanda i Aruba pero tambe ekspertonan riba diferente area a debati riba sierto tema i ponensianan.

 

Miembro di parlamento di Aruba sra Marisol Lopez-Tromp a hasi un presentashon di e problematika di indokumentadonan ku ta drenta nos islanan na gran eskala i e konsekuensianan ku esaki tin pa nos komo isla chikitu.

 

Tambe invitadonan por a sera konosi ku diferente personan presente, sera lasonan i interkambia di pensamentu. Kual sigur ta kontribui den nos trabou komo representante di pueblo.

 

Komo miembro di parlamento nos a probecha di e momento pa hasi un bishita na Kas i Korsou i hiba un kombersashon ku Minister Plenipotensario sr. Begina i tambe saluda e personal di Kas di Kòrsou.

Tambe nos a realisá un bishita na reunion di tweede kamer kaminda tabata tin reunion publiko riba e tema di Volkshuisvesting, kual ta un tema interesante.

 

Nos por mira bèk riba un partisipashon i bishita interesante i sigur mirando ku aktualmente tin diskushon riba evaluashon di statuut.

 

 

Yaël Plet  

Juniel Carolina