Gobièrnu di kòrsou A  reanuda e dialogo DI tripaRTITE ku e SENTRALNAN dI SINDIKATO i VBC.

Willemstad – Promé Minister sr. Gilmar Pisas huntu ku Minister di Desaroyo Sosial, Labor i Bienestar sra. Ruthmilda Larmonie-Cecilia, na nòmber di Gobièrnu di Kòrsou, a reanudá e dialogo di Tripartite ku e tres sentralnan di sindikato i VBC dia 21 di aprel 2023.

 

E tres sentralnan di sindikato ta: Central General di Trahadonan di Kòrsou (CGTC), Sentral di Sindikatonan di Kòrsou (SSK) i Sentral Solidaridat Sindikal (SSS).

 

Durante di e reunion aki a pone atenshon riba un struktura mas adekuá pa e Plataforma di Tripartite aki ku ta konsistí di e 3 partido, kualnan ta e esun di doñonan di trabou, e representante di trahadonan i Gobièrnu i Kòrsou.

 

E struktura aki lo bai determiná kon ta bai atendé ku e reunionnan, e tema i prioridatnan ku lo tin di bai keda atendé den kada reunion.

 

E reunion a kana den un bon esfera kaminda tabatin espasio amplio pa kada partido por a dialogá i kompartí informashon ku otro riba kon por yega na un struktura muchu mas efektivo.

 

E siguiente reunion lo ta dia 5 di mei 2023.