E TORNEO ‘CONCACAF WOMEN’S U-20 CHAMPIONSHIP’ TA TUMA LUGÁ AKI NA KÒRSOU DI 13 PA 17 DI SÈPTÈMBER 2021!

E TORNEO ‘CONCACAF WOMEN’S U-20 CHAMPIONSHIP’ TA TUMA LUGÁ AKI NA KÒRSOU DI 13 PA 17 DI SÈPTÈMBER 2021!

NOS REFUERSONAN A YEGA!

 

 

Manera ya nos a anunsiá, nos selekshon nashonal di dama kategoria U-20 tin algun siman ta prepará pa nan próksimo kompromisonan durante e CONCACAF Women’s U-20 Championship ku lo tuma lugá di 13 pa 17 di sèptèmber binidero aki na Kòrsou.

Ayera den oranan di anochi un total di 5 refuerso a bin for di Hulanda p’asina fortalesé nos selekshon durante e torneo aki.

 

Ta trata di Sadéyah Rosa i Jeleaugh Rosa ku ta militá den Sparta, Lindsey Hard ku ta forma parti di Sv Die Haghe i Prestynia Isidora ku Shareykisha Justiana ku ta hunga den e ekipo

FC Eindhoven. E 5 hungadónan aki huntu ku e sobrá 15 hungadónan ku ta militá den diferente ekipo di dama aki na Kòrsou, lo siguí prepará pa duna un bon bataya durante nan próksimo kompromisonan.

 

Nos selekshon nashonal di dama kategoria U-20 ta konsistí di un grupo di 20 hungadó ku ta wòrdu dirigí pa Sra. Ana Vargas ku ta e entrenadó di e selekshon aki i Sr. Demi Rosario huntu ku Reynold Mercera ku ta e asistentenan di e entrenadó. Sra. Laicam How huntu ku  Sr. Clinton Leocadia ta e masahistanan di e selekshon miéntras dòkter Fillet tambe lo kompañá e selekshon. Sra. Gesilene Kerindongo lo ta esun enkargá ku e tareanan atministrativo i e hefe di delegashon ta Sra. Hassnah Elhage ku ta remplasá Sra. Fabi Constansia ku no por tei pa motibunan di salú.

 

Nos selekshon ta konsistí di e siguiente hungadónan;

 

1. Taïsha Hansen (Vesta)
2. Rovienska Hooi (Undeba)
3. Jully Lake (Vesta)
4. Fresheny Michiel (Vesta)
5. Riesmarly Tokaay (Hubentut Fortuna)
6. Sephanyah Pedro (Vesta)
7. Queen-Jelly Alexandre (Vesta)
8. Charnainelys Andrea (Vesta)
9. Deyanisha Dorcas (Hubentut Fortuna)
10. Roshanthely Coffi (Jong Holland)
11. Raëngelly Keller (Excellence)
12. Gervionna Martina (Jong Colombia)
13. Rushaviana Petronilia (Jong Holland)
14. Sadéyah Rosa (Sparta)
15. Shareykisha Justiana (FC Eindhoven)
16. Prestynia Isidora (Fc Eindhoven)
17. Jeleaugh Rosa (Sparta)
18. Lindsey Hard (SV Die Haghe)
19. Soerianieh Nucatia (Excellence)
20. Shadae Bergwijn (Inter Willemstad)

Preparashonnan ta kontinuá pa nos selekshon nashonal di dama kategoria U-20 su partisipashon na e CONCACAF Women’s U-20 Championship ku lo tuma lugá di 13 pa 17 di sèptèmber 2021 na Kòrsou.

 

7 sèptèmber 2021