Ruthmilda Larmonie-Cecilia Debi na e tempu kòrtiku di e bishita anterior, mi a hasi mi di dos bishita na Aqualectra Utility .

Ruthmilda Larmonie-Cecilia

Debi na e tempu kòrtiku di e bishita anterior, mi a hasi mi di dos bishita na Aqualectra Utility .
Durante e bishita aki nos a deliberá mas profundo kon lo realisá e Aqualectra di futuro.
Aqualectra tin algun proyektonan stratégiko i di invershon pa e kuater añanan benidero. Primeramente Aqualectra lo ke transformá nan forma di sirbi nan kliente, kaminda lo pone nos komo pueblo di Kòrsou mas sentral.
Algun di e proyektonan ku Aqualectra a presentá na mi ku lo ta den tapara pa nos ta:
– start implementashon di meternan i lusnan di kaya inteligente
– inougurashon di planta nobo di awa i mulina di bientu
– lansa kampaña nashonal dor di enfoká riba un kultura bèrdè, duradero i renovabel. Esaki ku e meta pa baha i strukturá tarifa nobo, kual pa mi ta hopi importante i alabes ta un punto di atenshon.
Durante e reunion mi a pone hopi atenshon tambe riba nos siudadanonan ku ta deskonektá for di e ret di aqualectra, ku no tin akseso na awa i òf koriente. Mi a enfatisá ku apesar di e situashon ekonómiko ku entre otro e pandemia a trese kuné pa hopi, mi tarea ta pa huntu ku aqualectra nos yega na un solushon responsabel.

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: