Gobièrnu di Kòrsou ta partisipá na selebrashon di Dia di Boneiru

Gobièrnu di Kòrsou ta partisipá na selebrashon di Dia di Boneiru

Geplaatst op 08 September 2021 dor di Ministerio Enseñansa, Siensia, Kultura & Deporte

WILLEMSTAD –  Pueblo di Boneiru a selebrá riba 6 di sèptèmber e di 39 aña di Dia di Boneiru, pero tambe a selebrá 70 aña ku a tene e promé reunion di Konseho Insular di Bonaire. Gobièrnu di Kòrsou a keda representá pa Minister Sithree “Cey” van Heydoorn na e selebrashon memorabel.

 

Minister van Heydoorn a presensiá e reunion solèm ku a tuma lugá den sala di reunion di Konseho Insular di Bonaire, kaminda e diferente lidernan di frakshon a tene nan disertashon di un forma elokuente, tantu riba pasado i presente di Boneiru. Na mes momentu tambe nan a sa di ilustrá e kaminda ku mester sigui kana pa Boneiru sigui desaroyá. Mas despues na sentro di gobernashon di Bonaire, a tene un selebrashon ofisial ku presentashon kultural, pero tambe ku diskurso di Gezaghebber Interino señor Nolly Oleana i tambe Diputado Nina den Heyer.

 

 

 

Por tin kambionan na nivel di struktura estatal, pero nunka nos lo mishi ku e lasonan ku ta uni Kòrsou i Bonaire. Manera e lema di e selebrashon a bisa: “Unidat ta e kaminda pa Libertat”, e mesun pensamentu ta keda biba entre di Kòrsou i Boneiru.

Na nòmber di Gobièrnu di Kòrsou, Minister Sithree van Heydoorn kier gradisí pa e hospitalidat i tambe pa por a forma parti di e bunita selebrashon akí.

Pabien pueblo di Boneiru!

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: