“Ta trapando derechi di esnan ku no ke bakuná”

Ta trapando derechi di esnan ku no ke bakuná.

Bakunashon ta keda liber.

Ken ta para responsabel pa efektonan sekundario di e bakuna? Konstantemente Trabou pa Kòrsou TPK ta wòrdu aserká dor di trahadonan i alumnonan ku ta wòrdu forsá pa bai bakuná. Sea doño di trabou ta eksigí pa trahadonan bakuná, si no ta kita nan for di trabou. Na otro okashon dosentenan ta puntra studiantenan kiko nan ta warda pa bai bakuná. Hotèl ta eksigí stazjèr pa bai bakuná pa nan kore stazje. Pero ta manera ku niun hende no ta wòri te dia baka hoga na pos. Paso e preshon ku ta butando riba e hendenan aki por resultá den kasonan ferfelu. Paso ta forsando e hende hasi algu kontra di su boluntat, i ta menas’e di kita su pan di kada dia.

 

Pero ken ta para responsabel pa efektonan sekundario di e bakuna? 

Resientemente na diferente parti di mundu, entre nan Gran Bretania, un gobernador merikano di West Virginia a publiká sifranan di nan gobièrnu kaminda nan a konstatá ku e bakuna tin efektonan sekundario negativo ku resultado di morto komo konsekuensia. Aki na Kòrsou tur hende a bira surdu i muda aparentemente pa e kasonan aki.

 

Tur 21 parlamentario a risibí kopia di nos leinan di tratamentu médiko.
Artíkulo 446, 448, 450 i 451 di e lei di “geneeskundige behandelingsovereenkomst” di aña 2000 ta splika bon klá e obligashon ku kada persona ku ta duna kuido tin i esaki ta bálido pa bakunashon tambe. Pues niun otro persona no tin nada di bisa. E dòkter of esun ku ta duna kuido:

Mester splika e persona e motibu i meta di e investigashon o kuido ku e ta bai duna.

Mester splika e persona e konsekuensianan i risikonan ku e persona por spera.

Mester splika e persona otro métodonan di investigashon of tratamento ku lo por wòrdu uzá.

Mester tin pèrmit di e pashènt pa por hasi kualkier trato na su kurpa. Sin su pèrmit esaki no por.

Mester di pèrmit di mayornan asta si un mucha a alkansá e edat di 12 aña.

Pues niun otro persona no ta outorisá pa puntra ni obligá otro hende hasi nada riba e área médiko.

 

Pa Trabou pa Kòrsou TPK niun hende ta riba lei. TPK ta bai kuminsá, denunsiá i publiká nòmber di esnan ku ta hasi mal uzo di e situashon di bakunashon i violá nos leinan.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: