NOS SELEKSHON NASHONAL DI DAMA U-20 A LOGRA SU PROMÉ VIKTORIA KONTRA ST. LUCIA I TA SIGUI PREPARÁ PA TOPA ANTIGUA & BARBUDA DJARÁSON AWOR, 8’OR NA FFK!

NOS SELEKSHON NASHONAL DI DAMA U-20 A LOGRA SU PROMÉ VIKTORIA KONTRA ST. LUCIA I TA SIGUI PREPARÁ PA TOPA ANTIGUA & BARBUDA DJARÁSON AWOR, 8’OR NA FFK!

 

 

Ayera durante nos promé partido, nos selekshon nashonal di dama kategoria U-20, a logra su promé viktoria durante e torneo; CONCACAF Women’s U-20 Championship. Nos selekshon a sa di gana St. Lucia ku skor di 5-2. Taïsha Hansen (2x), Sadéyah Rosa (2x) i Queen-Jelly Alexandre a anotá e golnan ku a hiba nos na e promé viktoria durante e torneo aki.

 

Mañan djaráson 15 sèptèmber, nos selekshon lo tin su segundo i alabes e último partido kaminda nos selekshon lo enfrentá e ekipo di Antigua & Barbuda pa 8’or di anochi na tereno di FFK. E partido aki lo ta importante pa e klasifikashon di nos selekshon mirando ku esun ku terminá number 1 den su pul, lo klasifiká pa e siguiente buèlta.

 

Aparte di nos partido, ta tin vários enkuentro ku a tuma lugá den Stadion Ergilio Hato i Tereno di FFK.

 

Esaki tabata tur e resultadonan di ayera:

 

US Virgin Islands 0 – Bermuda 5

Grenada 2 – Sürnam 5

Bahamas 0 – Cayman Islands 2

Kòrsou 5 – St. Lucia 2

 

E promé viktoria ta tras di lomba i nos ta bai pa e di 2, mañan 15 di sèptèmber 2021, ora nos enfrentá Antigua & Barbuda! Por sigui tur e partidonan di Kòrsou via e página di Facebook; Sport.cw debí ku no ta pèrmití presensia di públiko den stadion.

Kòrda sigui e partidonan p’asina apoyá i sostené nos selekshon di dama kategoria U-20!

 

14 sèptèmber 2021

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: