MINISTERNAN A TENE NAN DI DOS REUNION KU E SENTRALNAN DI SINDIKATO I VBC.

MINISTERNAN A TENE NAN DI DOS REUNION KU E SENTRALNAN DI SINDIKATO I VBC.

 

Willemstad – Promé Minister Gilmar Pisas huntu ku Minister di Desaroyo Sosial, Labor i Bienestar Ruthmilda Larmonie-Cecilia a tene nan di dos reunion ku e tres Sentralnan di Sindikato i Vereniging Bedrijfsleven Curaҫao (VBC), na nòmber di Gobièrnu di Kòrsou ayera dia 14 di sèptèmber 2021.

E tres sentralnan di sindikato ta: Central General di Trahadonan di Kòrsou (CGTC), Sentral di Sindikatonan di Kòrsou (SSK) i Sentral Solidaridat Sindikal (SSS).

 

Durante di e reunion aki a trata e siguiente puntonan: Refineria, COHO 2.0, Bakunashon i e Departamentu di Labor.

Den un siguiente reunion lo sigui atendé e punto tokante di e Departamentu di Labor i dos otro punto adishonal.

 

E reunionnan aki lo kontinuá pendiente pa e formalisashon ofisial di un plataforma ku ta bai konsistí di Gobièrnu, Sindikato i doñonan di trabou.

 

E reunion a kana den un bon esfera kaminda tabatin espasio amplio pa kada partido por a dialogá i kompartí informashon ku otro riba e puntonan ku a bini dilanti.

E siguiente reunion lo ta aki dos siman.

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: