Eliminá sushi i bo a eliminá foko di sangura

 

Eliminá sushi i bo a eliminá foko di sangura

Willemstad – Dia 18 di Septèmber 2021 ku ta Dia International di Limpiesa, Servisio di Salú Públiko di Kòrsou (UO G&Gz ántes GGD) ta enfatisá e importansia pa eliminá sushi i speshal kosnan ku ta keda para ku awa aden. 

 

Inspektornan di sangura di THZ a skohe bario di Domi riba e dia International di Limpiesa. Ta di spera ku e bario skohí tin un Aedes aegypti ìndise di kas mas haltu ku 0%. Na momentu di e kòntròlnan por kalkulá e indise. Un indise haltu kier men ku tin hopi kas (un of mas kas) den bario ku fokonan kaminda sangura ta pone weboe aden. Ta e intenshon pa kuminsá Djasabra mainta ku kontròl di kas pa kas den e bario di Dòmi. Kaminda ku topa fòkonan di awa lo eliminá esakinan. Kaminda no por eliminá esakinan lo basha insektisida den esakinan. Ta spera full kopershon di kada habitante. Na final di dia lo publiká e indise ku lo mester ta 0%.  Un Ìndise di Kas di di 0%. ta un sifra hopi seif pa evitá un epidemia di kualke di e malesanan manera Dengue, Chikungunya òf Zika. Indise di 0% kier men ku ningun kas den e bario no tin foko(nan) di sangura mas.  Ku e akshon aki ta manda un mensahe kla ku por eliminá sangura kompletu dor di elimina tur lokual sangura ta pone weboe aden.   

 

Aki ta sigui algun tèps ku kada habitante mes por hasi. 

  • Kontrolá paden i pafó di kas pa kosnan ku ta kontené awa. Wak den kura di bo bisiña tambe i informé di e peliger ku kosnan pará ku awa aden por trese.
  • Rekohé tur artefakto òf ophetoan ku por kontené awa i tira esakinan afó.
  • Obhetonan ku awa aden i no por tira esakinan afó, laba i frega ku un skeiru pa kita e webunan di sangura. Yena tera òf pone larvisida den artefaktonan ku awa aden.
  • Chèk tur skòter bou di pòchinan di mata pa bichi/larva di sangura.
  • Renbak mester ta hermétikamente será. Ku esaki no por, pone piská den esaki.
  • Barínan di awa mester ta bon pa evitá ku sangura ta pone webu den esakinan.
  • Warda tur artefakto den kurá manera tayer, drùms, barí, kosnan di plèstik i ko’i hunga di mucha bou di dak di manera awa seru no por yega na esakinan.
  • Chèk hit di dak i limpia esaki; saka tur blachi ku por stroba awa di kore.

Por pasa tuma larvisida na servisio di THZ na Piscaderaweg 49 di djaluna pa djabièrnè entre 8’ or di mainta pa 12’ or di mèrdia. Pa mas informashon òf bo tin molèster di sangura, yama THZ na number di telefòn 432 2867 of WhatsApp na: 527 0854.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: