E PROMÉ BUÈLTA DI E CONCACAF WOMEN’S U-20 CHAMPIONSHIP A YEGA NA SU FINAL!
E PROMÉ BUÈLTA DI E CONCACAF WOMEN’S U-20 CHAMPIONSHIP A YEGA NA SU FINAL!
Despues di un siman yená ku bon futbòl kaminda nos damanan di rònt Karibe a mustra kiko nan tin aden durante e CONCACAF Women’s U-20 Championship, e torneo a yega na su final djabièrnè 17 di sèptèmber tras di lomba. Kòrsou komo pais anfitrion por mira bèk riba un torneo eksitoso ku a konta ku bishita di 11 pais.
Tur ekipo a kompetí 2 biaha kontra otro den nan pul, p’asina e number un di kada pul klasifiká pa e siguente buèlta di e CONCACAF Women’s U-20 Championship.
Bermuda, Cayman Islands, Kòrsou i Sürnam ta e 4 paisnan ku a logra klasifiká pa e siguiente buèlta ku lo tuma lugá den e promé kuartal di otro aña.
Nos selekshon nashonal di dama kategoria U-20 tabata konsistí di un grupo di 20 hungadó ku a wòrdu dirigí pa Sra. Ana Vargas ku ta e entrenadó di e selekshon aki i Sr. Demi Rosario huntu ku Reynold Mercera ku a fungi komo e asistentenan di e entrenadó. Sra. Laicam How huntu ku Sr. Clinton Leocadia tabata e masahistanan di e selekshon miéntras dòkter Fillet tambe a kompañá e selekshon. E hefe di delegashon tabata Sra. Hassnah Elhage ku a remplasá Sra. Fabi Constansia ku no por ta tei pa motibunan di salú.
Nos selekshon a konsistí di e siguiente hungadónan;
- Taïsha Hansen (Vesta)
- Rovienska Hooi (Undeba)
- Jully Lake (Vesta)
- Fresheny Michiel (Vesta)
- Riesmarly Tokaay (Hubentut Fortuna)
- Sephanyah Pedro (Vesta)
- Queen-Jelly Alexandre (Vesta)
- Charnainelys Andrea (Vesta)
- Deyanisha Dorcas (Hubentut Fortuna)
- Roshanthely Coffi (Jong Holland)
- Raëngelly Keller (Excellence)
- Gervionna Martina (Jong Colombia)
- Rushaviana Petronilia (Jong Holland)
- Sadéyah Rosa (Sparta)
- Shareykisha Justiana (FC Eindhoven)
- Prestynia Isidora (Fc Eindhoven)
- Jeleaugh Rosa (Sparta)
- Lindsey Hart (SV Die Haghe)
- Soerianieh Nucatia (Excellence)
- Shadae Bergwijn (Inter Willemstad)
FFK ta felisitá nos selekshon nashonal di dama kategoria U-20 pa e tremendo trabou ku nan a sa di hasi durante e torneo aki. Pabien na nos muchanan i e kuerpo tékniko!
Preparashonnan ta kontinuá pa nos selekshon nashonal di dama kategoria U-20 su partisipashon na e di 2 buèlta di e CONCACAF Women’s U-20 Championship ku lo tuma lugá na 2022.
19 sèptèmber 2021