Desishon di Konseho di Minister di Reino riba petishon di Kòrsou pa haña sosten di likides

 

Desishon di Konseho di Minister di Reino riba petishon di Kòrsou pa haña sosten di likides

 

Awe 24 di sèptèmber Konseho di Minister di Reino a trata petishon di Kòrsou pa haña sosten di likides den forma di un fiansa di 203 mion florin pa kubri gastu di gobièrnu te ku fin di aña.

 

Di e montante aki Cft a konsehá pa duna Kòrsou 76 mion florin. Di e petishon ku Kòrsou a hasi pa un fiansa di 203 miyon florin, a kita siguiente sumanan:  A baha e posibilidat pa por paga provedornan di gobièrnu ku 20 mion; pa por yena kupo di trabou krítiko den salublidad relashoná ku e pandemia ku 2 mion florin; e montante pa por ehekutá e pakete  di pais ku 2 mion; e posibilidat pa por invertí den entre otro infrastruktura ku 29 mion; i e aporte adishonal di gobièrnu den salubridat (schommelfonds) ku 88 mion. 

 

Pa por risibí e fiansa, Kòrsou mester kumpli ku diferente kondishon. Konseho di Minister di Reino no a tuma un desision final ahinda, pero a duna Kòrsou espasio te ku 29 di òktober pa  kumpli ku e kondishon i pa laga Hulanda verifiká ku Kòrsou a kumpli.

Mester kumpli ku siguiente kondishon:

  1. Entregá un plan ku medida pa baha gastu den servisio di salubridat i seguro sosial, ku ta responsabilidsad di minister di GMN i minister di SOAW, pa prevení ku gobièrnu tin ku aportá mas sèn pa kubri defisit den e area aki. Tambe lo baha gastu di operashon di SVB. Pa esei lo hasi un audit di operashon (operational audit) di SVB.
  2. Entregá un plan pa minimalisá pèrdida di CMC, ku ta responsabilidat di minister di GMN, pa preveni gastu adishonal pa gobièrnu. 
  3. Establesé plannan pa reformá Servisio di Impuesto i nos leynan di impuesto i ahustá maneho di nos sektor di e-gaming, ku ta responsabilidat di Minister di Finansa, pa generá mas entrada pa gobièrnu.
  4. Ahustá e lei pa maksimalisá salario di ehekutivonan den sektor semi gobernamerntal i empresanan di gobièrnu, ku ta responsabilidad di tur minister.
  5. Finalmente mester establesé e agènda di ehekushon (uitvoeringsagenda) pa di kuater kuartal huntu ku Hulanda. Esaki tambe ta responsabilidad di tur minister.

Kòrsou ya a kumpli ku mayoria kondishon. A entregá diferente plan di akshon, pero Hulanda no a haña chèns ahinda pa revisá e plannan di akshon. Kòrsou lo kumpli ku tur kondishon promé ku siguiente reunion di Konseho di Minister di Reino. 

Entretantu lo sigui informá pueblo mientras ta monitor tur gastu i sigui manehá nos obligashon finansiero.

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: