NAGICO a risibí bishita di atletanan olímpiko 

NAGICO a risibí bishita di atletanan olímpiko 

Willemstad, 27 di Sèptèmber 2021 – Djamars último NAGICO a risibí bishita di Kòrsou su medayistanan. Esaki tabata kulminashon di un patrosinio di NAGICO na e evento den kual a honra e atletanan dia 16 di sèptèmber ultimo. Kòrsou kompletu por a disfrutá di e evento ku a wòrdu transmití na TeleCuraҫao dia 19 i ku ripitishon dia 23 di sèptèmber.  

Durante e bishita trahadónan di NAGICO por a sera konosí i tambe kombersá ku e atletanan. Kada un di e atletanan tin un historia di determinashon i perseveransia, i sigur por sirbi komo inspirashon pa hóben i adulto. Pueblo di Kòrsou por ta sumamente orguyoso di e atletanan. Den kombersashonnan masha inspirativo ku a tene ku e atletanan na ofisina di NAGICO, por a konkluí ku kada un a keda motivá p’e pensamentu, di ta e mihó vershon di nan mes i den esaki impulsá nan pais pa bai dilanti. Esaki ta algu di apresiá. NAGICO ta felisitá kada un pa nan prestashon den olimpiada na Tokyo.

NAGICO ta kere firmemente ku invershon den deporte i edukashon di nos mucha- i hóbennan, ta garantisá ku yunan di tera por sigui kompetí riba nivel mundial. Kumpliendo ku su responsabilidat sosial pa inspirá i motivá komunidat, NAGICO pone akshon tras di palabra i ta kontentu di por a forma parti di e trayekto dediká na e atletanan durante nan estadia na Kòrsou.  

Riba fotonan athunto por tuma nota di e bishita di atletanan na ofisina di NAGICO djamars ultimo.