Partisipashon di Kòrsou na EXPO Guajira 2021

 

Partisipashon di Kòrsou na EXPO Guajira 2021

Geplaatst op 26 September 2021 dor di Ministerio Desaroyo Ekonómiko

WILLEMSTAD – Ministerio di Desaroyo Ekonómiko (MEO) huntu ku Kámara di Komèrsio i Ofisina di Turismo di Kòrsou – den nan afan pa mobilisá mas komèrsio entre Kòrsou i Colombia – ta organisá un mishon komersial virtual pa partisipá na e di 20 edishon di EXPO Guajira 2021. Esaki lo tuma lugá 19 di novèmber 2021 próksimo na Riohacha, La Guajira, Colombia.

Durante di e último añanan MEO a bin ta traha duru pa establesé kontaktonan ekonómiko duradero i sólido ku paisnan den region i mas ku klaro ta traha duru pa por mantené i reforsá e lasonan aki kontinuamente. Aktualmente tin un Memorandum di Entendimiento entre Kòrsou i Colombia ku e fin pa entrekambiá informashon i stimulá komèrsio (importashon i eskportashon) entre e dos paisnan. MEO i partnernan ta buskando konstantemente oportunidatnan pa nos empresarionan por eskpandé nan merkado dor di partisipá na Ferianan Komersial manera EXPO Guajira 2021.

EXPO Guajira ta un plataforma kreá i guiá pa Kámara di Komèrsio di La Guajira for di aña 2000. E evento akí ta keda organisá anualmente na Riohacha. Meta prinsipal di e feria akí ta pa hasi visibel e potensial di e teritorio via di empresarionan inovador. Durante di e evento akí por spera un total di mas di 120 empresario di diferente sektor ekonómiko, kaminda ku nan lo bai promové nan produkto- i servisionan. E enfoke durante di e mishon komersial virtual pa Colombia lo ta riba empresanan den sektornan manera: Turismo, Agrikultura, Produkshon i Komèrsio.

Pa partisipá por registrá pa e sektor deseá te ku djabièrnè 1 di òktober próksimo. Pa mas informashon tokante e mishon akí por tuma kontakto ku representantenan di MEO (Sektor di Kooperashon Ekonómiko ku Eksterior):

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: