10 kliente di SDKK a terminá kurso di pelamentu ku éksito

10 kliente di SDKK a terminá kurso di pelamentu ku éksito

Geplaatst op 05 October 2021 dor di Ministerio Hustisia

WILLEMSTAD – Resientemente tabatin entrega di sertifikado na 10 kliente di prizòn ku a sigui e proyekto “E Arte di un Barbero”.

E kurso di pelamentu akí tabatin un durashon di 8 siman, kaminda e klientenan por a siña e fishi di barbero bou di guia di señor Rignald Cecilia di Smoothline Barbershop.

Durante e kurso a para ketu na e parti di teoria di pelamentu, e téknikanan di kon ta hasi uso di e mashin di pela i sekuensia di uso di e mashin. Tambe a para ketu na e parti di higiena, kual ta hopi importante, i aktitut di trabou di un barbero.

Den un ambiente hopi ameno por a mira e satisfakshon di e kursistanan i e nesesidat pa SDKK sigui ofresé kursonan asina akí pa mas kliente. Tambe a lanta e idea pa habri un barberia den prizòn kaminda klientenan i personal di SDKK por bai pela.

Gerensia di SDKK ta sumamente kontentu ku resultado di e proyekto akí, debí ku por a duna un oportunidat na e klientenan akí pa forma nan mes den e fishi di pelamentu.

Ministerio konserní 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: