Roxienne Albertina Luidens: E TA TRISTU KON NOS KE BENDE KORANT USANDO NÒMBER I POTRÈT DI HENDE SIN A TENE UN ENTREVISTA KU DOÑO DI KURPA!

Roxienne Albertina Luidens

E TA TRISTU KON NOS KE BENDE KORANT USANDO NÒMBER I POTRÈT DI HENDE SIN A TENE UN ENTREVISTA KU DOÑO DI KURPA!
E ta opvio ku ta skirbi algu den un korant sin previo tene un entrevista ku mi persona.
Mi ta RETA Korant Vigilante pa sali splika ki ora nan a papia ku mi persona!
Mi ta RETA e mener Signith Isenia i Sr. Sovien Mongen pa sali bisa ku mi persona a informá nan ku GMN a pasa sèn robes riba niun kuenta!
Ami no tei pa tilda i mustra dede riba niun hende, mi tei pa solushoná kos i pone kos kana!
Loke ami a hasi ayera pa Security Group ta lo sigiuente:
1. Invitá dos hende di e grupo pa bai den nos ofisina ku nos pa duna nan un trato HUMANO I buska pa sa kiko ta pasando;
2. Yama i pidi pa e stuk, ku no tabata kla, yega ofisina di Promé Minister;
3. Perkurá pa e stuk yega serka Promé Minister kaminda e tabata den un reunion, pafó di trabou, pa e pone su firma;
4. Perkurá pa 3 otro Minister firma e stuk, debí ku a disidí ku ta atendé e asuntu aki “op stuk”;
5. Perkurá pa e SG di e Ministerio di GMN yama e doño di e kompania ayera nochi mes, pa splika ku e stuk ta kla pa e proseso di e pago por kuminsá tuma lugà awe.
E ta jammer ku nos NO tabata den servisio ainda 4 luna pasa!
Nos tei pa sirbi i asistí kaminda mester!
Promé Minister a primintí pa intervení i nos a perkurá pa loke Promé Minister Gilmar Pik Pisas bisa ta keda ehekutá!
Awe mainta nos a haña yamada di parti Sr. Signith Isenia di e Security Group pa e yama nos danki pa loke nos a hasi. Nos ta apresiá esaki, pero a bisa e mener aki mesora, ku nos NO ta kontentu kun’é pa ku loke e la hasi riba FB. Esta di tilda nos ku nos no a yamé ainda ayera. Esaki ta motibu ku nos a opta pa sigui atendé ku su doño di trabou i laga e sigui duna informashon na su trahadonan! Nos ta atendé nèchi ku tur hende ku bini Fòrti, pero lo no akseptá ningun intenshon pa trata di pone nos den lus negativo di parti niun hende!
Mi ta un persona serio, responsabel, ku ta krea solushon i ta funshoná na “eer en geweten”.
Lo mi NO permití pa niun Medio di Komunikashon i tampoko niun persona bisa òf skirbí algu ku ami NO a bisa nan!
Si Korant Vigilante ke un entrevista ku mi persona, pidi esaki libremente, debí ku ami lo papia #sinmiedo i tambe #sinpèrmit di niun hende ora ta trata mi persona.
Ta pone mi potrèt pa algu ku a bai robes na un otro ministerio kaminda ami ta traha pa e Ministerio di AZ i no na esun di GMN. Aserká ta pone algu ku ami NO a papia ku e korant riba dje.
Nos tin di kuminsá elevá nos forma di hasi komunikashon i duna informashon na nos komunidat den e forma korekto i sinsero.
Si ke usa mi nòmber i potrèt pa haña mas bende di korant si, please, tene e entevista si ku mi persona, pa e informashon por ta korekto!
Ban purba di ta diferente, nos por mihó

 

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: