Pronóstiko di tempu pa Kòrsou i bisindario bálido te djaweps mainta 6:00 o.l., 15 di òktober 2020.

Pronóstiko

Pronóstiko di tempu pa Kòrsou i bisindario bálido te djaweps mainta 6:00 o.l., 15 di òktober 2020.
Kompilá: djárason 14 di òktober 2020, 05:00 o.l. (09:00 UTC).

Tempu: Shelu ta parsialmente nublá, de bes en kuando hopi nublá i prinsipalmente awe den dia i anochi tin chèns pa un te dos áwaseru lokal. Posiblemente  kompañá pa welek i bos.

Temperatura máksimo lo alkansá 34ºC i temperatura mínimo 26ºC.
Solo ta sali 06:25 i ta baha 18:18 o.l.

Bientu: Por lo general ost i moderá; forsa 3 te 4 (12 te 30 km/ora, 7 te 16 nudo). Den dia i durante áwaseru, ráfaga de bes en kuando basta fuerte; forsa 5 (31 te 39 km/ora, 17 te 21 nudo).

Situashon general: Un disturbio ta alehá di nos área i ainda tin posibilidat pa algu di áwaseru riba parti di nos region. Riba djaweps lo mira e chènsnan aki disparsé, miéntras e bientunan lo keda por lo general moderá durante gran parti di e siman aki.

Kondishon di laman: Trankil te moderá ku altura di ola entre 0.5 i 1.5 meter (2 i 4 pia).

Sistemanan signifikante di wer tropikal: Ningun.

Fenómeno spesial: Ningun.

Perspektiva te djabièrnè mainta: Por lo general tiki nubia ku wer seku durante e dianan ku ta sigui.

Meteorólogo: Coffie

 

Day:	Djárason	Djaweps	Djabièrnè	Djasabra	Djadumingu
	posibilidat di áwaseru i welek ku bos	parsialmente nublá	parsialmente nublá	áwaseru aislá	parsialmente nublá
Rain probability:	20%	0%	0%	20%	0%
High:	34ºC / 93ºF	34ºC / 93ºF	34ºC / 93ºF	33ºC / 91ºF	33ºC / 91ºF
Low:	26ºC / 79ºF	27ºC / 81ºF	27ºC / 81ºF	27ºC / 81ºF	27ºC / 81ºF
Sunrise time:	06:25	06:26	06:26	06:26	06:26
Sunset time:	18:18	18:17	18:16	18:16	18:16
Wave heigth (meters):	1 – 1.5	1 – 1.5	1 – 1.5	1.5 – 2.0	1 – 1.5