*UPDATE: 30 di aprel – Dia di Rincon*

*UPDATE: 30 di aprel – Dia di Rincon*

Simadan di Union a start 7.20 or di anochi na altura di Bulevar Miguel A. Pourier i Kaya Encarnacion B. Sint Jago. Polis a tene kòntròl riba vehíkulo i e shofùrnan ku ta partisipá den e parada. A kontrolá tur shofùr riba reibeweis bálido i tambe dokumentu di seguro. Un shofùr no tabatin e reibeweis korekto. Despues ku a remplasá e shofùr, e parada por a kontinuá.

Tambe a hasi un tèst di supla ku tur shofùr i tur a pasa esaki ku éksito.

E kòntròlnan menshoná ta esensial pa seguridat di partisipantenan den parada i e públiko. KPCN ta rekordá tur shofùr pa sòru di tin tur e dokumentonan nesesario i pa no manehá bou di influensia di alkohòl. Kòntròlnan por tuma lugá na kualke momentu durante e marcha.