Gabinete Wever-Croes Prome Minister Evelyn Wever-Croes: 𝘓𝘶𝘯𝘢 𝘥𝘪 𝘈𝘥𝘶𝘭𝘵𝘰𝘯𝘢𝘯 𝘔𝘢𝘺𝘰𝘳: 𝗗𝗔𝗡𝗞𝗜 𝗡𝗔 𝗘 𝗠𝗘𝗧𝗢𝗗𝗢 𝗗𝗜𝗚𝗜𝗧𝗔𝗟 𝗡𝗢𝗦 𝗚𝗥𝗔𝗡𝗗𝗜𝗡𝗔𝗡 𝗣𝗢𝗥 𝗔 𝗞𝗘𝗗𝗔 𝗠𝗔𝗦 𝗗𝗘𝗡 𝗖𝗢𝗡𝗧𝗔𝗖𝗧𝗢 𝗖𝗨 𝗙𝗔𝗠𝗜𝗔𝗡𝗔𝗡

Gabinete Wever-Croes

Prome Minister Evelyn Wever-Croes:
𝘓𝘶𝘯𝘢 𝘥𝘪 𝘈𝘥𝘶𝘭𝘵𝘰𝘯𝘢𝘯 𝘔𝘢𝘺𝘰𝘳:
𝗗𝗔𝗡𝗞𝗜 𝗡𝗔 𝗘 𝗠𝗘𝗧𝗢𝗗𝗢 𝗗𝗜𝗚𝗜𝗧𝗔𝗟 𝗡𝗢𝗦 𝗚𝗥𝗔𝗡𝗗𝗜𝗡𝗔𝗡 𝗣𝗢𝗥 𝗔 𝗞𝗘𝗗𝗔 𝗠𝗔𝗦 𝗗𝗘𝗡 𝗖𝗢𝗡𝗧𝗔𝗖𝗧𝗢 𝗖𝗨 𝗙𝗔𝗠𝗜𝗔𝗡𝗔𝗡
“𝘕𝘰𝘴 𝘮𝘦𝘴𝘵𝘦𝘳 𝘱𝘰𝘳 𝘥𝘶𝘯𝘢 𝘯𝘰𝘴 𝘢𝘥𝘶𝘭𝘵𝘰𝘯𝘢𝘯 𝘮𝘢𝘺𝘰𝘳 𝘵𝘶𝘳 𝘦 𝘩𝘦𝘳𝘮𝘦𝘯𝘵𝘯𝘢𝘯 𝘯𝘦𝘤𝘦𝘴𝘢𝘳𝘪𝘰 𝘱𝘢 𝘯𝘰 𝘱𝘦𝘳𝘥𝘦 𝘯𝘢𝘯 𝘢𝘶𝘵𝘰𝘯𝘰𝘮𝘪𝘢 𝘱𝘢 𝘮𝘰𝘵𝘪𝘣𝘰 𝘥𝘪 𝘯𝘰 𝘴𝘢 𝘤𝘰𝘯 𝘱𝘢 𝘶𝘻𝘢 𝘵𝘦𝘤𝘩𝘯𝘰𝘭𝘰𝘨𝘪𝘢 𝘥𝘪𝘨𝘪𝘵𝘢𝘭”

Mundialmente ta celebra prome di October como Dia di Adultonan Mayor. Na Aruba, esaki ta un fecha hopi importante na unda atencion ta wordo poni na e personanan den nos comunidad cu a construi nos pais pa awe nos tur por goza di dje. Siman pasa, Gobierno di Aruba a decreta October completo como luna di Adulto Mayor na Aruba pa asina henter e luna por conscientisa nos pueblo e importancia di nos adultonan mayor den bida di un pais.

Tur aña, Nacionnan Uni ta scoge un tema dia 1 di October y e aña aki ta tema ta ‘Igualdad den Digitalisacion den Edad’. Esaki, Prome Minister Evelyn Wever-Croes a enfatisa, ta importante pasobra awor mas cu nunca digitalisacion ta comunica nos cu henter mundo. Den su discurso na e evento di Adultonan Mayor na Cas di cultura siman pasa diabierna atardi, Prome Minister a enfatisa cu ta danki na e metodo digital, nos por a keda mas conecta cu nos grandinan durante e pandemia aña pasa.

“Nos a wak kico a pasa durante pandemia cu nos no por bishita otro manera nos tabata kier y danki na e metodo digital nos por a keda mas den contacto cu otro. E necesidadnan di cada persona ta diferente y mester tene cuenta cu n’e. Loke pa algun ta facil di compronde den e mundo digital, pa otro por tuma un poco mas tempo, un poco mas pasenshi y dedicacion pa por integra den e mundo di techcnologia. Nos mester por duna specialmente nos adultonan mayor tur e hermentnan necesario pa no perde nan autonomia pa motibo di no sa con pa uza technologia digital. Y p’esey mi kier gradici tur instancia cu ta yuda den crea e brug aki entre tur hende a traves di digitalisacion, entre otro Movimento ta Bida den e proyecto ‘Hunto Grandi, Grandi Hunto’. Danki pa a mira e importancia pa duna e guia y sosten na e adultonan mayor pa asina nan por domina e technologia basico.