Un detenshon relashoná ku kiebro i ladronisia.

KOMUNIKADO DI PRENSA
267 / 2020
17 yüli 2020
Un detenshon relashoná ku kiebro i ladronisia.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djaweps 16 di yüli, alrededor di 23.57 or, durante ku un unidat polisial tabata patruyando
den área di Jan Noorduynweg, patras di un establesimentu el a mira un hòmber bistí na
pretu. Na momentu ku e hòmber aki a nota e presensia di e vehíkulo polisial el a kore bai
pèrdè den sukú.
Ku yudansa di mas unidat, durante di un búskeda den e área, e agentenan a haña nan
obligá na usa nan arma reglamentario pa asina logra di detené e sospechoso.
Ta trata di e hòmber N.S.F., nasé na Kòrsou di 43 aña di edat.
Siguiendo ku e investigashon a resultá ku e sospechoso mester a kibra/kòrta un porta di
plachi di zink di e establesimentu ya menshoná.
Tambe polis a haña i konfiská diferente hèrmèn ku e sospechoso a usa, hanskun i mùts.
A presentá e sospechoso dilanti di un Fiskal Ouksiliar, ku a ordená su enkarselamentu
pendiente di mas investigashon.