Kaso di tiramentu ku morto

KOMUNIKADO DI PRENSA
9 sèptèmber 2024
Kaso di tiramentu ku morto
391/2024
Djadumingo 8 di sèptèmber 2024 alrededor di 21.07’or, Sentral di Polis a risibí informashon
di un kaso di tiramentu ku a tuma lugá dilanti di un Minimarket riba Cocolodeweg.
Na yegada di un unidat polisial el a topa ku un hòmber ku no tabata duna señal di bida.
For di investigashon preliminar a sali na kla ku despues di un diskushon un ratu promé,
algun persona den e kaya ariba menshoná a lòs algun tiru dirigí riba e víktima.
E víktima a risibí bala na e parti ariba di su kurpa.
Despues di e akto e sospechosonan a bandoná e sitio.
Personal di ambulans a yega rápido na e sitio pero no por a hasi nada mas pa e víktima.
Dòkter di Polis a konstatá morto di e hòmber, Romario Williams, nasé dia 13 di sèptèmber
1995 na Jamaica.
Polis a konfiská artíkulonan ku ta di importansia pa e investigashon i riba òrdu di fiskal di
Ministerio Públiko a konfiská e kurpa pa mas investigashon.


