Fundashon Birgen di Rosario

 

 

Fundashon Birgen di Rosario

Willemstad, 8 di oktober 2021

Apresiabel famia/persona di kontakto di nos klientenan,

Fundashon Birgen di Rosario ta informá ku lamentablemente nos organisashon a keda konfrontá ku personanan ku a keda infektá ku e viro di Corona.

Nos ta siguiendo e protokolnan vigente i ta wòrdu bon asesorá dor di dòkternan di GGD i nos propio dòkter di instituto.

Konsiente ku nos ta kuida e grupo mas vulnerabel ku ta kore riesgo haltu na momentu ku nan keda infektá ku e viro di Corona, nos a tuma e medida di sera e lokalidat Nos Lanterno kompleto pa bishita te ku próksimo aviso. E medida aki ta pa por protehá nos habitantenan di un mihó forma.

Buskamentu di paña sushi i tresementu di paña limpi por sigui tuma lugá di forma normal.

Semper tur miembro di famia por yama pa informá pa su hende grandi i/òf por hasi un video call.

Nos ta bolbe fasilitá e numbernan di telefòn di e diferente lokalidatnan:
Huize Welgelegen/Habaai
– Departamentu Druifi: 515-7937
– Departamentu Guyaba: 513-3710
– Departamentu Mispel/Mango: 520-5063
– Departamentu Tamarein: 527-9732
– E persona responsabel na Habaai: 516-3008
Richardushuis: 514-8648
Nos Lanterno: 540-2854

Nos otro dos lokalidatnan ku ta Richardushuis i Huize Welgelegen/Habaai ta keda habrí pa bishita pa kliente konforme e reglanan vigente. Pasadia Mi Amparo tambe ta keda habrí normal.

Nos ta spera di a informá sufisiente!

Atentamente,
Sra. Indra Rossen-Lucasius
Direktora