GOBIÈRNU DI KÒRSOU DEN UN FORMA  SOLEMNE A KONMEMORÁ 10.10.21: DIA DI OUTONOMIA.

GOBIÈRNU DI KÒRSOU DEN UN FORMA 

SOLEMNE A KONMEMORÁ 10.10.21: DIA DI OUTONOMIA.

 

Willemstad – Gobièrnu di Kòrsou den un forma solemne a konmemorá “Dia di Outonomia” na Misa di Steenrijk dia 10 di òktober 2021.

E ministernan ku por tabata presente ta Minister di Desaroyo Ekonómiko Ruisandro Cijntje, Minister di Maneho di Gobernashon, Planifikashon i Servisio Públiko Ornelio A. Martina, Minister di Ministerio di Enseñansa, Siensia, Kultura i Deporte Sithree van Heydoorn i Promé Minister Gilmar Pisas.

 

Gobièrnu di Kòrsou a opta pa e aña aki organisá un sakrifisio di Misa na Misa di Steenrijk pa asina konmemorá e fecha di 10.10. 21: Dia di Outonomia.

Tur esaki debí ku e fondonan ta skars i e situashon di e pandemia ta pone ku un selebrashon ku partisipashon di nos komunidat no tabata posibel.

 

Durante di e sirbishi tabatin oportunidat pa Promé Minister por a hiba palabra.

Promé Minister a tene un diskurso nashonal tambe pa medio di e tres kanalnan di televishon (Telecuracao, Nos Pais Television i TVDirect13) mas lat anochi riba e fecha 10.10.21 (8 pm).

 

Gobièrnu di Kòrsou a gradisí tur esnan ku tabata presente, esnan ku tabata enbolbí pa ku e parti di organisá i dòrna e Misa i alabes Pastor Raul ku a duna un sirbishi inspirativo yená ku palabranan hopi positivo pa e okashon aki.

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: