Raimy Manuela – miembro TPK: “Minister presidente, si ke uza ehèmpel di Caribe, uze tur momentu”

 

Minister Presidente, si ke uza ehèmpel di Caribe, uze tur momentu

Dekolonisashon den parlamento djaweps awor

 

Skuchando rueda di prensa di siman pasá djaweps 30 september 2021, ku hopi asombro mi por a tuma nota kon nos minister presente señor Gilmar “Pik” Pisas ta uza Antigua & Barbuda komo ehèmpel den Caribe pa enkurashá nos amtenar nan pa bakuná, mientras na otro partinan di mundu manera San Salvador, India, Sur Afrika, ta huzando otro remedinan eksistente pa kombatí e viro. Pero e mes un minister presidente aki NO ta uza e ehèmpel di Barbados den Caribe ku den luna di sèptèmber unanimamente a tuma desishon pa dekolonisá.

Mirando ku nos minister presidente señor “Pik” Pisas kier tuma ehèmpel di otro pais den Caribe, mi kier a rekordá señor Pisas ku 29 di sèptèmber 2021, 1 dia promé ku su rueda di prensa ku tópiko: Último desaroyonan COVID-19, e pais Bardados enkabesá pa nan presidente señora Mia Amor Mottley di 56 aña di edat i e lider di oposishon enkabesá pa Joseph Atherley di 67 aña di edat i nan parlamento unanimamente a vota pa tuma distansiá for di e Reina Britanico Elisabeth II di kual ku e akto aki nan pais lo risibí su independensia. Mirando ku nos tin 76 aña aplikando e reglanan makabro di statüt di kual a ser rechasá pa Nashonnan Uní, mi a keda asombrá ku ahinda nos gobièrnu i parlamento no a hasi kaso di e kartanan mandá riba fechanan 6 di sèptember 2021 i 13 di òktober 2020 pa Nashonnan Uní. E karta nan aki lo saka Kòrsou den un tempu korto for di e engaño konstitushonal ku Kòrsou ta aden. Den pasado, pa ta mas eksakto, mart 1972 China tambe a konfrontá un defisit den e reglanan di Nashonnan Uní di kual den e mes aña na novèmber Nashonnan Uní a remediá e fayo kometí.

A YEGA E ORA PA NOS PAIS WÒRDU GOBERNÁ SIN METEMENTU DI OTRO PAIS I TRAHA E TRAPI PA E SIGUIENTE GENERASHON.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: