Aqualectra ta kuminsá instalá meternan inteligente den Abrahamsz i Sapaté

AQUALECTRA TA KUMINSÁ INSTALÁ METERNAN INTELIGENTE DEN BARIO DI ABRAHAMSZ I SAPATÉ

Willemstad 13 di Òktober 2021– Aqualectra a bin ta prepará pa instalá su meternan inteligente rònt Kòrsou komo parti di su esfuerso pa inová operashon i krea e ret di awa i koriente di futuro.  Esaki mester resulta den mihó servisio na kliente. Aqualectra ta hasi esaki komo parti di proyekto mayo Advance Metering Infrastructure (AMI) ku ta pa desaroyá su ret di distribushon inteligente. 

E proyekto pa instalá meternan inteligente na kas i negoshi ta konsistí di varios fase.  Proksimamente Aqualectra lo kuminsá ku e promé fase di e proyekto, kual ta konsistí di remplaso di meternan di distribushon aktual di tantu di awa i koriente pa meternan digital, téknikamente avansá i inteligente. E promé fase di e proyekto tin un durashon di mas o ménos tres aña.

 

E promé área den kua lo kambia e meternan ta Abrahamsz i Sapaté. Un tim di kontratista bon identifiká, kompañá pa empleadonan di Aqualectra, lo pasa di bario pa bario i di kas pa kas pa revisá i prepará e área kaminda ku lo kita e meter bieu i despues instalá e meter inteligente. Aqualectra lo publiká semanalmente aviso den medionan di komunikashon i via su página di Facebook pa indiká den kua bario e trabounan lo tuma lugá e siman ei.

 

Introdukshon di e reto di destribushon inteligente tin un kantidat di benefisio: 

  • Maneho di konsumo di koriente i awa ta muchu ta mas den man di e kliente; 
  • E kliente tin akseso na informashon tokante su propio uso di awa i koriente al dia; 
  • Aqualectra por detektá interupshon di awa i koriente serka e kliente mas rapido;
  • Ta redusi uso di awa i koriente no registra;
  • Presishon di resibunan di Aqualectra debi ku ta evita balotashon di konsumo;
  • Midimentu kontinuo di kalidat di suministro di awa i koriente. 

 

Durante e proseso di inspekshon di situashon di meternan na kasnan i instalashon di e meternan inteligente, un tim uniformá i bon identifiká lo pasa pa hasi e inventarisashon.  Aqualectra lo notifiká via medionan di komunikashon kua ta e barionan na turno. Aworaki ta kuminsa ku e barionan di Abrahamsz i Sapaté.  Kaminda e meter ta riba tereno òf na propiedat di e habitante Aqualectra lo traha un sita pa pasa.  Ta nesesario pa koperá ku Aqualectra pa asina e operashon por kana den un paso aselerá i korekto. Aqualectra ta gradisí su klientenan pa koperá pa asina huntu nos krea e ret di utilidat di futuro di Kòrsou.

 

AMI ta un teknologia ku ta birando un stèndert den industria di utilidat rònt mundu. Su meta ta pa mehorá servisio na kliente i fasilitá kompanianan di utilidat operá di forma mas efektivo. Komunikashon entre e meternan inteligente (di meter pa meter) i tambe komunikashon entre e meternan inteligente i Aqualectra ta tuma lugá via un ret di radio frekuensia. AMI ta sòru pa prosesonan optimalisá interno, ku lo transformá e operashon di Aqualectra supstanshalmente.

 

Aqualectra, promé ku kuminsá instalá meternan inteligente masalmente rònt Kòrsou, a realisá proyekto di prueba na Seri Domi, Tra’i Seru i na Bonam. E proyekto di prueba aki a duna Aqualectra un bon bista pa por realisá e proyekto grandi pa instalá e meternan inteligente na tur kas i negoshi na Kòrsou.  Aqualectra, den preparashon pa e instalashon rònt Kòrsou, ta deskontá tambe meternan di awa i koriente riba su ret ku aktualmente ku no ta den uso. Na mes momentu ta inventarisá i dokumentá digital tur obheto ku ta forma parti di Aqualectra su ret di distribushon.

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: