PREPARASHONNAN TA KONTINUÁ PA NOS SELEKSHON DI DAMA U-17 SU PARTISIPASHON NA E CONCACAF WOMEN’S U-17 CHAMPIONSHIP! NOS HUNGADÓNAN TA KONOSÍ!

 

PREPARASHONNAN TA KONTINUÁ PA NOS SELEKSHON DI DAMA U-17 SU PARTISIPASHON NA E CONCACAF WOMEN’S U-17 CHAMPIONSHIP!

NOS HUNGADÓNAN TA KONOSÍ!

 

Djadumingu, 17 di òktober binidero, nos selekshon nashonal di dama kategoria U-17 lo sali pa Bradenton, Florida pa partisipá na e CONCACAF Women’s U-17 Championship ku lo tuma lugá di 20 pa 24 di òktober 2021.

 

Manera ya nos a avisá nos selekshon ta konta ku un grupo di 6 refuerso ku a bin for di Hulanda i Boneiru p’asina fortalesé nos selekshon durante e torneo aki. 

Ta trata di Nyjhean-Anne Rier, Lygaira Pieters i Thahima Willems ku ta militá den Red Diamonds aya na Boneiru. Tambe a bini Ludmarie Flaneur ku ta militá den Xerxes DZB, Draynishaina Uranie ku ta forma parti di V.V. Spijkenisse i Daylaina Seip ku ta hunga den e ekipo De Zwervers aya na Hulanda. E 6 hungadónan aki huntu ku e sobrá 14 hungadónan ku ta militá den diferente ekipo di dama aki na Kòrsou, lo siguí prepará pa duna un bon bataya durante nan próksimo kompromisonan.

 

Nos selekshon nashonal di dama kategoria U-17 ta konsistí di un grupo di 20 hungadó. 

E selekshon ta wòrdu dirigí pa Sra. Ana Vargas ku ta wòrdu asistí pa Sra. Gesilene Kerindongo huntu ku Reynold Mercera komo asistentenan tékniko. 

Sr. Luke Cattet huntu ku Sr. Clinton Leocadia ta e fisioterapistanan di e selekshon miéntras Sra. Olga Pita Da Silva ta e masahista i dòkter Fillet tambe a kompañá e selekshon. 

E hefe di delegashon ta Sra. Hassnah Elhage ku a remplasá Sra. Fabi Constansia ku no por ta tei pa motibunan di salú.

 

Nos selekshon ta konsistí di e siguiente hungadónan;

 

  1. Rushaviana Petronilia (Jong Holland)
  2. Deyanisha Dorcas (Hubentut Fortuna)
  3. Charnainelys Andrea (Vesta)
  4. Julainy Thielman (Wishi Marchena)
  5. Gervionna Martina (Jong Colombia)
  6. Ludmarie Flaneur (Xerxes DZB, Hulanda)
  7. Nyjhean-Anne Rier (Red Diamonds, Boneiru)
  8. Lygaira Pieters (Red Diamonds, Boneiru)
  9. Raëngely Keller (Excellence School)
  10. Queen-Jelly Alexandre (Vesta)
  11. Draynishaina Uranie (V.V. Spijkenisse, Hulanda)
  12. Gionella Calvenhoven (Vesta)
  13. Daylaina Seip (De Zwervers, Hulanda)
  14. Soerianieh Nucatia (Excellence School)
  15. Kaaisha Constansia (Excellence School)
  16. Thahima Willems (Red Diamonds, Boneiru)
  17. Kishana Mathilda (Jong Holland)
  18. Aukje Moerdijk (Inter Willemstad)
  19. Queennaily Geertruida (Jong Holland)
  20. Roshanthely Coffi (Jong Holland)

 

Preparashonnan ta kontinuá pa nos selekshon nashonal di dama kategoria U-17 su partisipashon na e CONCACAF Women’s U-17 Championship ku lo tuma lugá di 20 pa 24 di òktober 2021 na Florida.

 

15 òktober 2021

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: