KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIANOTISIA POLISIAL

Entrada hudisial ku detenshon i konfiskashon

 

KOMUNIKADO DI PRENSA 350/2021
20 òktober 2021
Entrada hudisial ku detenshon i konfiskashon
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djárason 20 di òktober 2021, 05.00or di mainta, e tim di Divishon Krímen Organisá huntu ku
KMAR a tene sinku (5) entrada hudisial na Kaya Elegansia, Kaya Aurora, Wageningenstraat,
Elmesstraat i St. Johnsweg.
E entradanan hudisial aki ta den kuadro di un investigashon penal ku ta andando relashoná
ku kasonan di intento di sekuestro, atrako, ekstorshon i posishon di arma di kandela.
Na e adrèsnan a detené e hòmbernan sospechoso;
 A.G., di 28 aña di edat, nase na Sürnam.
 G.N.G.S., di 25 aña di edat, na Kòrsou.
 F.J.G.Z., di 20 aña di edat, nase na Venezuela.
 E.B.S., di 52 aña di edat, nase na Venezuela, tur sospechá pa e kasonan ariba
menshoná.
Durante di e investigashon na e adrèsnan polis a haña i konfiská algun telefòn selular.
Tambe a detené algun persona ku ta kedando ilegal riba nos isla.
Nan a wòrdu entregá na Departamentu di Imigrashon pendiente di nan deportashon.
A presentá e sospechosonan dilanti un fiskal ouksiliar ku a ordená nan enkarselamentu
pendiente di mas investigashon.

639114718427035"
639114718427035"