Maneho nobo na Departamento di Reibeweis

Maneho nobo na Departamento di Reibeweis

Geplaatst op 24 October 2021 dor di Ministerio Maneho di Gobernashon, Planifikashon i Servisio Públiko

WILLEMSTAD –  For di djaweps, 14 di òktober 2021, tin un kambio den e maneho direkto di Departamento di Reibeweis situá na Sta. Rosa. Esaki komo parti di e pasonan ku Ministerio di Maneho, Planifikashon i Servisio Públiko ta tumando pa mehorá e servisionan di e ministerio. E Departamento di Reibeweis pa un temporada largu kaba tin eskases di eksaminadó ku e konsekuensha ku no por proveé e servisio nesesario. Sinembargo, gobièrnu tin e maneho general di no tuma personal nobo. Esaki ta trese kuné ku na e momento akí no por yena e funshon di eksaminadónan, kual ta un funshon spesífiko. Departamento di Reibeweis ta konsiente di e defisiensia akí i ta konta ku e komprenshon di instruktornan di reilès den esaki.

Departamento di Reibeweis ta kai direktamente awor bou di guia di sra. Ruthline Haddocks (hefe interino di Asuntunan Públiko) huntu ku sra. Janella Nahr Ricardo (koordinadó). Señora Haddocks a traha riba posibel solushonnan struktural ku aktualmente ta den proseso di aprobashon. Mester informá ku situashon di nos pais i kumplimentu di eksigensianan pa ku maneho di gobièrnu, ta pone ku e aprobashon ta tuma su tempu.

Lamentablemente e servisio na departamento di Reibeweis lo keda limitá algun tempu mas. No opstante e situashon ta traha ku e medionan ku tin na disponibilidat i lo trata lo máksimo pa aliviá e situashon ku tin. Na e momento akí e kantidat di fecha pa èksamen ta basá riba e kantidat di eksaminadónan disponibel.

Departamento di Reibeweis ke pidi indulgensha pa e situashon i alabes diskulpa pa kualke inkumbiniensia.

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: