Ombudsman a primintí dilanti di Presidente di Parlamento di Kòrsou

Ombudsman a primintí dilanti di Presidente di Parlamento di Kòrsou

Awe djárason dia 27 di òktober 2021 den sala plenario di Parlamento sr. Keursly Concincion a primintí dilanti di Presidente di Parlamento sra. Charetti America Francisca pa asina kuminsá su di dos término komo Ombudsman di Kòrsou.

Dia 16 di sèptèmber 2021 Parlamento di Kòrsou a bai di akuerdo pa prolongashon di e término di e Ombudsman konforme e Ordenansa di Ombudsman.

Un Ombudsman ta funshoná independiente, ta tuma, analisá i investigá kehonan ku kualke siudadano den nos pais tin na momentu ku e siudadano ta haña ku instansianan òf servisionan gubernamental no ta tum’e na serio òf no ta respetá su derechinan. E Ombudsman tin e derechi di investigá e kehonan di e siudadano, i despues di un análisis bini ku rekomendashon.

Parlamento di Kòrsou ta felisitá sr. Concincion ku su enkargo i ta deseá nos Ombudsman hopi forsa i sabiduria.