Reakshon riba video ku ta mustra e banda kriminal di Kòrsou .

 

KOMUNIKADO DI PRENSA 356 / 2021
26 òktober 2021
Reakshon riba video ku ta mustra e banda kriminal di Kòrsou .
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Kuerpo Polisial ku hopi desapunto i repudio a tuma nota di un video ku a pasa na un kanal
di televishon Hulandes i ku ta mustra e banda kriminal di paraíso Kòrsou.
Riba petishon di un partner, Kuerpo Polisial a duna su koperashon pa traha un
dokumentario/grabashon pa e partner. E meta di e koperashon ta pa mustra e boluntat pa
traha huntu entre Kuerpo Polisial i e partner. Pa ku esaki un produktor di Hulanda a bin hasi
un grabashon pa e dokumentario.
E koperashon aki a tuma lugá i un dokumentario pa e partner a wòrdu trahá. Sinembargo e
produktor a bolbe hasi un petishon pa koperashon di polis di un forma ku a konfundí e hefe
di Komunikashon, den e sentido ku a lag’e kere ku ta un kontinuashon di e grabashon di e
dokumentario pa e partner.
E produktor a haña di e forma aki e koperashon un bia mas di polis.
Ta ora e hefe interino di kuerpo a bai hiba un kombersashon ku e partner over di e
dokumentario ku na e momentu ei tabata wòrdu grabá, a bin na sali na kla ku no tin ningun
petishon di e partner na e produktor pa un kontinuashon di un grabashon. E Hefe di
Komunikashon a ordená e persona aki pa stòp ku grabashon ku polis inmediatamente.
Tambe a stòp tur koperashon mesora ku e produktor aki.
E produktor aki lo a sigi ku su dokumentario ku un kompania di seguridat.
E produktor mes a duna di konosé anteriormente den su petishon, ku e no ta saka nada di
Kuerpo Polisial ni di e grabashon ku e la produsí a base di e kopersahon ku e la haña di polis,
sin e laga e hefe di Komunikashon mira.
Pa nos sorpresa nos por a tuma nota ku e produktor aki a saka un dokumentario sin ku e
produkshon a wòrdu presentá na nos. A konstatá tambe ku e produkshon ta mustra un
bista negativo pa nos pais.
Kuerpo Polisial ke enfatisa ku e pèrmit i fasilidat ku a duna e produktor aki, tabata ketu bai
ku den pensamentu ku e grabashon ta pa yega na produkshon di un dokumentario pa e
partner.
Kuerpo Polisial ta lamentá e konfunshon kreá aki i faltamentu ku palabrashon i ta eksplorá
si eventualmente tin base pa tuma pasonan hurídiko kontra di e produktor aki.

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: