SOAW lo kontinuá ku e programa di ayudo di alimentashon i sosten laboral te ku fin di 2021.

SOAW lo kontinuá ku e programa di ayudo di alimentashon i sosten laboral te ku fin di 2021.

 

Willemstad – Manera anunsiá anteriormente, SOAW a hasi un evaluashon riba kontinuashon di e programanan di sosten den kuadro di e situashon ku a surgi na mart 2020 debí na Covid-19. Tambe SOAW a indika ku tin falta di likides loke ta limita e opshonnan pa kontinuá ku e programa di ayudo di alimentashon i di sosten laboral. Huntu ku ministerio di finansas a yega un solushon pa kontinuá ku e programa te ku fin di desèmber 2021 maske e situashon di emergensia agudo ta tras di lomba. 

 

Tur kliente di SOAW ku tin nan karchi di kuminda lo risibí nan rekargo pa luna di novèmber i desèmber. Klientenan ku ta risibí sosten laboral ta risibi esaki pa e lunanan di oktober, novèmber i desèmber. Ademas lo kontinuá tambe ku e programa di kuminda kayente i pakete di kuminda pa luna di novèmber i desèmber 2021.

 

E portal pa aplikashon nobo sí lo keda será. Tur petishonnan ku ya a drenta serka SOAW lo keda trata konforme proseduranan. 

 

Ta importante pa tur kliente tene bon na kuenta ku entrante promé di yanüari 2022, tur programa di sosten di SOAW lo tèrminá. SOAW ta den proseso pa sigui fasilitá aún mas, motivá i asistí klientenan pa por drenta merkado laboral. Den e dianan ku ta sigui SOAW lo sigui duna mas informashon tokante e trajekto pa klientenan por kuminsá buska trabou. 

 

Finalmente SOAW ta pidi tur kliente ku ta risibí sosten laboral pa tene kuenta ku e pago lo ta algun dia mas lat ku e fecha ku a kustumbrá di risibi e pago debí ku mester prosesá disponibilidat di e fondonan pa por hasi e pago. SOAW i ministerio di finansas ta hasi nan maksimo esfuerso pa e pago di òktober tuma luga pa fin di e siman akí.  Rekargo di e karchi di kuminda si lo tuma luga durante e promé siman di novèmber. Na momentu ku tin informashon eksakto di e dianan di pago i rekargo, SOAW lo partisipá esaki debidamente.

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: