KOMUNIKADO KUERPO POLISIAL KÒRSOU Kaso di tiramentu ku morto.

 

KOMUNIKADO DI PRENSA 357 / 2020
12 sèptèmber 2020
Kaso di tiramentu ku morto.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djabièrnè 11 di sèptèmber 2020, alrededor di 23.47’or Sentral di Polis a risibí notifikashon
di un kaso di tiramentu ku a tuma lugá den Californieweg,
Unidat polisial ku a yega na e sitio a topa ku un hòmber drumi abou ku herida di bala.
For di un investigashon ku polis a hasi na e sitio a resultá ku tabatin un bringamentu entre
algun dama. E víktima a bai purba na intermediá den e bringamentu aki i dado momentu a
hañ’e den diskushon ku un hòmber.
E hòmber sospechoso aki a bai su outo pa despues pasa den outo i los tirunan for di un
arma di kandela dirigí riba e víktima ku a alkans’é na altura di su lomba i brasa robes.
Un dama ku tambe tabata na e sitio a risibí herida di bala na e parti abou di su brasa robes.
Ambulans a transportá e hòmber víktima pa departamento di emergensia di CMC i e dama
a keda hibá ku outo personal pa CMC.
Alrededor di 1’or di mardugá a drenta informashon ku e hòmber viktíma Ruthson Lacrum
nasé na Kòrsou 5 di ougùstùs 1978, a fayesé.
Riba òrdu di fiskal di Ministerio Públiko a konfiská e kurpa pa mas investigashon.

 

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: