Minister Cijntje ta topa ku Seatrade i Greensea
Minister di Desaroyo Ekonómiko, Ruisandro Cijnte a será konosí ku akshonistanan
di Seatrade i Greensea.
Willemstad, – Minister di desaroyo ekonómiko, sr. Ruisandro Cijntje a risibí akshonistanan di
Seatrade, sr. Yntze Buitenwerf kende ta e Chairman di Seatrade, sr. Mads Ellefsen, Executive
Director di Seatrade i Andre Atema, e CFO di Seatrade.
Tambe a risibí e Managing Director di GreenSea Chartering, sr. Hans Mol huntu ku e Managing
Director GreenSea, sr. Ron van der Born. Di parti di e organisashon Green Reefers tabata
presente sr. Eivind Eidesvik kual ta e Chairman di Green Reefers.
Durante di e enkuentro Minister Cijntje a ekspresá su satisfakshon pa tur e desaroyonan ku ta
tumando lugá riba tereno di peskeria. Curaçao International fisheries commission ta enkargá ku
entre otro maneho, supervishon i “compliance pa Kòrsou.
Entretantu e flota di barku envolví den peska internashonal ta totalisá 16 barku ku ta soru pa un
entrada supstansial ku gobièrnu ta generá pa medio di otorgamentu di lisensia pa piska i
sertifikado di peska. E peska internashonal aki i transporte di peska ta danki na e echo ku
Kòrsou ta miembro di International Convention on Conservation of Atlantic Tunas (ICCAT),
South Pacific Regional Fisheries and Management Organization (SPRFMO) i West and Central
Pacific Fisheries Commission (WCPFC).
A deliberá riba tur e último desaroyonan den e mundo di peska i kon nos por sigui hasi esaki di
un manera sustenibel kaminda e “carbon footrprint” pa produsí piska ta konsiderablemente
mas abou ku den otro industrianan similar.
Representantenan di Seatrade a ekpresá nan disponibilidat pa traha huntu ku gobièrnu di
Kòrsou pa asina surpasá e desafio nan ku ta bini ku e trabou.
Tur e operadornan aki ta operá rönt mundu i a aploudi Kòrsou pa e echo ku Kòrsou ta un
partner responsabel.
Minister Cijntje a indiká ku e ta bai hasi posibel pa duna asistensia pa nan por risibí tur e lisensia
nan nesesario pa por sigui operá di un forma responsabel mientras ta kumpli ku tur e
rekisitonan di “compliance”. Pa otro aña nos ta spera ku Kòrsou lo por bira miembro di mas
“Regional Fisheries Management Organization” manera entre otro NEAFC i IOTC.
Finalmente representantenan di Seatrade i GreenSea a ekspresá nan optimismo pa traha huntu
i asina fortalesé nos posishon global den e industria di peska internashonal.